Ok Buusch und a boar Steene

Описание: Wenn se heute oalle weimern, nischt is mir su, wies woar
oalls wird deurer und verrickter und schlimmer Juhr fier Juhr.
Do kimmt mr meine Oma ei und woas hoat die dorzahlt,
wies an Kriege woar und drnochert und a oalln hutts gefahlt.


A an Häusl, wu heut zwee senn, wohntn gut a dutznd Leute
nischt zu frassn und zim oaziehn und kee Auto - ne wie heute.
Die mittn dickstn Woanste hoan o doamoals, schunn an meestn rim geboarmt.
„Ich seu drsch glei, doas ändrdch nie!“- hutte se doamals schunn gewoarnt.

De Lausche wird a hundert Juhrn genau su durte stiehn
und dr Wind wird übern Koamme weg as biehmsche rieber ziehn
und de Heemt wird immer no de schinnste senn vu oalln
ok wenn se Pech hoan, is bis do hi, dr Kelchsteen imgefoalln.

Und Andert‘s Herbert wird mitn Ignatz und Kiliane sinn:
„Naichtns is de Sunne furt und wu isse ok wull hin?“
De Heemt macht uns kee andrer, doas kenn mer oak allene,
bloß ohne Menschn ist de Heemt: ok Busch und a poar Steene.


Heute machn sich de Jung lucker, hier gäbs nischt mi zu gewinn
schieln noach dr Fremde und dr Oarbeit und n grußn Glicke hin
und de Aaln bleibm alleene und richtn sich druf ei,
oack geducht woarsch oalls andersch, nu sei abm, wies sei.


A dr Fremde kimmt dann s Heimweh und s Herzl wird n schwar,
denn de Oarbeit macht ock Oarbeit und mitn Glicke is ne weit har.
Und se vermissn de gudn Freunde und ihre Aaln su wie su,
fer euch hoach anne gude Noachricht, ich denke moa, die macht euch fruh.

De Lausche wird a hundert Juhrn genau su durte stiehn
und dr Wind wird übern Koamme weg as biehmsche rieber ziehn
und de Heemt wird immer no de schinnste senn vu oalln
ok wenn se Pech hoan, is bis do hi, dr Kelchsteen imgefoalln.

Und Andert‘s Herbert wird mitn Ignatz und Kiliane sinn:
„Nächtns is de Sunne furt und wu isse ok wull hin?“
De Heemt macht uns kee andrer, doas kenn mer oak allene,
bloß ohne Menschn ist de Heemt: ok Busch und a poar Steene.