DD News Mizoram Chanchinthar | 8 February 2025 | 6:30 PM

Описание: Headlines :

1. Chief Minister Pu Lalduhoma'n VC tinte chuan Ni 100 inhlawnna sum lokal thin hmang tangkai tak tak duh se chuan MLA Fund leh Fund dang tel lo pawhin khua leh veng hmasawnna thil chhenfakawm tak tak a phuhru thei tih a sawi.

2. Leader of Opposition Pu Lalchhandama Ralte chuan sorkarin Indian Air Force kutah Lengpui Airport an hralh lui a nih chuan ram mipuite pawi an la khawih dawn tih a sawi. (with audio byte)

3. DONER Consultative meeting nimina neihah Rajya Sabha MP Pu K Vanlalvena'n Mizoram Handloom dehchhuahte regular a pho chhuahna tur Delhi khawpuiah Show Room Mizoramin a mamawh thu a sawi.

4. MPYCC President Pu Laltawnliana leh MPYCC hruaitute'n vawiin khan Republic Veng-a ZPM worker te hnathawh a hmunah an enfiah.

5. All Mizoram Village Council Association (AMVCA) President Pu K. Lalngaizuala chuan mipui rorelna bulthut Village Council-te sorkar apiangin an duh huna an namthlu zel thei dawn ta chu pawi an tih ber a nih thu a sawi.

6. Village Council leh Local Council inthlan lo awm tur atana duty turte vote thlakna Ballot Paper inhlanchhawnna - Exchange for Polled Ballot Papers chu Aizawl DC Conference Hall-ah vawiin khan neih a ni.

7. Central YMA buatsaihin nizan khan 'Ruihhlo Do infuihtharna hun' Vanapa Hall-ah neih a ni a, he huna kalkhawmte hian Indian Air Force kuta Lengpui Airport hlan remtih lohna resolution an pawm.

8. Mizoram State Election Commission chuan Chief Minister Pu Lalduhoma chu Model Code of Conduct bawhchhia a puh a nih vangin insawifiah turin a hriattir.

9. Prime Minister Narendra Modi chuan zirlai ten zangkhai taka exam an hmachhawn theih nan tun thla, February ni 10 chawhma dar 11-ah 'Pariksha Pe Charcha' a nei dawn.

10. Kum 30 hnuah BJP chuan Delhi-ah sorkarna a siam leh dawn.

11. Prime Minister Narendra Modi chuan karleh February ni 10 hian United States a tlawh dawn.

12. Union Home Minister Amit Shah chuan Delhi Assembly inthlanpui 2025-a BJP in hnehna a chan chu Delhi mipui te bum annih theih tawhloh zia a tilang ati

13. Prime Minister Narendra Modi chuan WAVES Advisory Board te kawm in, board member te chu ramchhunga an thiamna kawnga mi ropui leh mi rintlak vek anni a ti.

14. Sorkarlaipui chuan National Policy for Rare Diseases hnuaia chhinchhiah natna chi hrang hrang vei enkawlna atan cheng nuai 50 a dah.

15. Khawchin hrilhlawk tu, India Meteorogical Department chuan India hmarchhak Arunachal Pradesh leh Assam chhim thlang lamah tun atanga ni 2-3 chhung ruahsur turin a hmulawk

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram