شيلة يارشيد زان الوقت 2020 || كلمات حمود الرويعي || اداء يوسف العنزي || تنفيذ : قناة افكار

Описание: تنفيذ :
قناة افكار لـ الشيلات 🖥
Snap | insta : AFKAR_Q8e
“
يارشيد زان الوقت والجو رايق
لك عادٍ والله يبارك مساعيك

خابرك ماعاقك من الوقت عايق
اليا نويت الدرب ذربه مماشيك

لانك كفوو مثل الاخوان الشقايق
ولا والله اذكر يوم بان الردا فيك

الطير صفىٰ وآخر الموس سايق
سمح له المربط وفك الشبابيك

عقب السجن يارشيد ماهو بضايق
يبي يخاويني وانا اللي مخاويك

مالي ومال مدورين اللحايق
اللي تجيب الشربكه والشرابيك

سجه معك ويا الوجيه الطلايق
والرزق عند اللي عن الشر حاميك

اما علي الحد الشمالي نوايق
واليا جنوب الخط وابخص محاريك

ندحم مسار مسحبين البطايق
اهل الجيوب الشهب لو كان تحميك

القاع تغريني ولاني ببايق
دعواي زرقة رمح حولك حواليك

اما سلمنا منهم بالوثايق
والا يدي مربوطةٍ وسط اياديك

كله علي شان الفياض الغمايق
لو ساعةٍ مقناص فيها يكفيك

فيها من الشرْد سباق وفرايق
تدك فقلوب القنوص الدواكيك

مقرها بين الوعر والمضايق
في حاجرٍ صم الحجر له مراكيك

يجيبه الله شوف لو هو يتايق
خربٍ عليه من المرواح تماتيك

أزرق غلب منه الثنادي غلايق
ناقز من العقمين كنه يماريك

عساه من حظك ياطير الحقايق
خابر مهداتك وخابرك موارييك

اما تجيبه شلو بأربع دقايق
والا علي صفق الهبوب متعليك

ماعاد للتصوير فن وذوايق
طيارتين أقلاع فوقك وتغريك

يمكن يصيد وله مجال وطرايق
ويمكن علي حظ الطيور الصعاليك

وهذي تراها عند رب الخلايق
مقسم الارزاق مافيه تشكيك

ونسه وتطفي بالنفوس الحرايق
بين الفياض اللي نسمها يداويك

تسوىٰ بساتين المدن والحدايق
وتبعد همومك فالحياه وتسليك

ناخذ معاها وقت ويا الرفايق
اللي علي سلم الصقاره تماريك

خيرة محك رجال ماهي علايق
صفوة حرار ولخوياها مماليك
#يوسف_العنزي #حمود_الرويعي ‎ ٠٠ " {#صقاقير#}{#الكويت#}{#السعوديه#}{#البحرين#}{#الامارات#}{#قطر#}{#طرح#}{#كزاخستان#}{#طيور_كزاخستان#}{#وحش#}{#خلوي#}{#حرار#}{#جير_شاهين#}{#بيور#}{#مقناص#}{#مقانص#}{#مكشات#}{#طيور#}{#صقور#}{#حباري#}{#هدد#}{#الربطه#}{#جير#}{#صقار#}{#المقناص#}{#طرح#}