O filan, çfarë të gjeti kështu që je në Zjarr të Xhehennemit? - Shejkh Sulejman err-Rruhejli

Описание: Është transmetuar nga Ebu Umameh el-Bahili - Allahu qoftë i kënaqur me të -, nga Profeti - sal-lAllahu alejhi ue sel-lem - , se ai ka thënë:

"يُجَاءُ بِالْعَالِمِ السُّوءِ يَوْمَ الْقِيَامَةِ فَيُقْذَفُ فِي جَهَنَّمَ فَيَدُورُ بِقَصَبِهِ كَمَا يَدُورُ الْحِمَارُ بِالرَّحَى، فَيُقَالُ: بِمَا لَقِيتَ هَذَا وَإِنَّمَا اهْتَدَيْنَا بِكَ؟ فَيَقُولُ: كُنْتُ أُخَالِفُكُمْ إِلَى مَا أَنْهَاكُمْ عَنْهُ".

“Dijetari i keq do të sillet Ditën e Kijametit dhe do të hidhet në Xhehennem. Ai do të rrotullohet me zorrët e tij ashtu siç rrotullohet gomari rreth mullirit. Do t’i thuhet: ‘Çfarë të gjeti kështu? Ne u udhëzuam përmes teje!’ Ai do të thotë: ‘Unë ju kundërshtoja në atë që ju ndaloja.’”

Shpjegimi: Ky hadith është transmetuar nga Kauamu es-Sunneh el-Asfahani në librin "et-Tergib uet-Terhib".

Ndërsa Bukhariu dhe Muslimi transmetojnë nga Usameh bin Zejd - Allahu qoftë i kënaqur me të - se Profeti - sal-lAllahu alejhi ue sel-lem - ka thënë:

"يُجَاءُ بِالرَّجُلِ يَوْمَ الْقِيَامَةِ فَيُلْقَى فِي النَّارِ، فَتَنْدَلِقُ أَقْتَابُهُ فِي النَّارِ، فَيَدُورُ كَمَا يَدُورُ الْحِمَارُ بِرَحَاهُ، فَيَجْتَمِعُ أَهْلُ النَّارِ عَلَيْهِ، فَيَقُولُونَ: يَا فُلَانُ، مَا شَأْنُكَ؟ أَلَيْسَ كُنْتَ تَأْمُرُنَا بِالْمَعْرُوفِ وَتَنْهَانَا عَنِ الْمُنْكَرِ؟ فَيَقُولُ: كُنْتُ آمُرُكُمْ بِالْمَعْرُوفِ وَلَا آتِيهِ، وَأَنْهَاكُمْ عَنِ الْمُنْكَرِ وَآتِيهِ."

“Do të sillet një njeri Ditën e Kijametit dhe do të hidhet në zjarr. Zorrët e tij do të dalin jashtë në Zjarrë dhe ai do të rrotullohet rreth tyre siç rrotullohet gomari rreth mullirit. Banorët e zjarrit do të mblidhen rreth tij dhe do të thonë: ‘O filan, çfarë gjeti kështu? A nuk na urdhëroje për të mirën dhe na ndaloje nga e keqja?’ Ai do të thotë: ‘Ju urdhëroja për të mirën, por vetë nuk e bëja; ju ndaloja nga e keqja, por vetë e bëja.’”

Ky hadith që përmend Dhehebiu ka të njëjtin kuptim si hadithi në dy sahihat (Sahihu i Bukhariut dhe i Muslimit). Do të sillet dijetari i keq, ai që e kishte dijen vetëm në gjuhë - nuk e kalonte gjuhën e tij, nuk arrinte në zemrën e tij, nuk e pastronte shpirtin e tij dhe nuk përmirësonte me të veprat e tij. Ai do të hidhet në Xhehennem si poshtërim për të. Ai në këtë botë kërkonte me dije pozitë dhe nderim nga njerëzit, ndërsa Ditën e Kijametit do të shpërblehet me poshtërim nga Zoti i njerëzve, i Lartësuar nga çdo e metë.

Zorrët e tij do të derdhen jashtë dhe do të dalin nga barku i tij; ai do të rrotullohet rreth tyre - domethënë: ato do të jenë të shtrira në tokë, ndërsa ai sillet përreth tyre - ashtu siç rrotullohet gomari rreth mullirit. Mulliri i rëndë me të cilin bluhen drithërat lidhet me një gomar me litar dhe ai rrotullohet rreth tij ndërsa mulliri bluan. Kështu do të jetë gjendja e tij. Kjo është një gjendje e çuditshme.

Banorët e zjarrit që e njihnin do të mblidhen rreth tij dhe do të thonë: “O filan, çfarë të gjeti kështu? Pse je në këtë gjendje? Ne u udhëzuam përmes teje! Domethënë: Ti na tregoje të mirën, edhe nëse ne nuk e zbatuam. E thonë këtë ngase ata janë nga banorët e Zjarrit. A nuk na urdhëroje për të mirën, na mësoje të mirën dhe na udhëzoje drejt saj? A nuk na ndaloje nga e keqja, na sqaroje të ndaluarat dhe na paralajmëroje prej tyre?” Në pamje të jashtme, kjo të çon drejt Xhenetit, jo drejt zjarrit.

Ai do të thotë: “Unë ju kundërshtoja në atë që ju ndaloja." - Ju urdhëroja për detyrimet, por vetë nuk i bëja; ju ndaloja nga të ndaluarat, por vetë i bëja.”

Allahut nuk i fshehet asgjë. Ai e di tradhtinë e syve dhe atë që fshehin zemrat. Sado që robi të fshihet nga njerëzit, Allahu e sheh, e dëgjon dhe e di gjendjen e tij. Ai e di tradhtinë e syve dhe atë që fshehin zemrat. Atë nuk mund ta mashtrojë asnjë mashtrues. I Lartësuar nga çdo e metë është Ai..

Kjo tregon se ai që i mëson njerëzve diturinë dhe nuk vepron sipas asaj që kërkon ajo, ka kryer një mëkat të madh dhe meriton poshtërim nga i Gjithëdijshmi i të fshehtave, i Lartësuari nga çdo e metë.

Prandaj kërkojmë nga Allahu shpëtim. Kërkojmë prej Tij Faljen dhe Mëshirën e Tij. Kërkojmë prej Atij që na ka mbuluar në këtë botë që të mos na turpërojë në Ditën e Takimit me Të. I kërkojmë Atij që është i Pastër nga çdo e metë udhëzim dhe që të na bëjë prej atyre që mësojnë të tjerët dhe veprojnë (me diturinë). Kërkojmë mbrojtje nga dituria që nuk bënë dobi dhe i lutemi të na mbulojë e të mos na nxjerrë në shesh të metat tona, dhe të na falë në Ditën e Takimit me Të.Prandaj kërkojmë nga Allahu shpëtim. Kërkojmë prej Tij Faljen dhe Mëshirën e Tij. Kërkojmë prej Atij që na ka mbuluar në këtë botë që të mos na turpërojë në Ditën e Takimit me Të. I kërkojmë Atij që është i Pastër nga çdo e metë udhëzim dhe që të na bëjë prej atyre që mësojnë të tjerët dhe veprojnë (me diturinë). Kërkojmë mbrojtje prej Tij nga dituria që nuk të bënë dobi dhe i lutemi të na mbulojë e të mos na nxjerrë në shesh të metat tona, dhe të na falë në Ditën e Takimit me Të, i Lartësuar nga çdo e metë.

Përktheu: Spartak Ejjub Spahija

↪️ https://telegram.me/dituria ↩️