ARMFOOD News.armeniatv.com

Описание: « «ARMFOOD» ընկերության կաթնամթերքի տեսականին լաբորատորիայում է` պարզելու բացի այծի կաթից, մածնի և կաթնաշոռի մեջ կա՞ն արդյոք աղիքային ցուպիկի խմբի մանրէներ և ստաֆիլակոկի բակտերիաներ»,-այսօր տեղեկացրել է գյուղատնտեսության նախարարության Սննդամթերքի անվտանգության պետական ծառայության տեղեկատվության և հասարակայնության հետ կապերի բաժնի պետ Բաբկեն Պիպոյանը:
Նա ասել է, որ ներկայում այդ ընկերության կաթնամթերքի արդադրությունը կասեցված է, կվերականգնվի վարչական վարույթի ավարտից և պատճառները ճշտելուց հետո:
Կասեցվել է նաև իրացումը, խանութներից էլ ապրանքատեսակը հետ է կանչվել:
Բաբկեն Պիպոյանի խոսքով, խնդիրը ջրի երես է դուրս եկել, երբ քաղաքացին բողոքել է ծառայությանը` նշելով, որ սուպերմարկետից գնել է «ARMFOOD» ապրանքանիշի այծի կաթ, խմել ու դառնահամ զգացել: Այծի կաթն անմիջապես տրվել է լաբորատոր քննության ու հայտնաբերվել են վտանգավոր մանրէներ: