#သဲအင်းဂူဆရာတော်ဘုရားကြီး

Описание: #သဲအင်းဂူဆရာတော်ဘုရားကြီးဟောကြားတော်မူခဲ့သော တရားတော်များ အနှစ်ချုပ် ♦

မြတ်စွာဘုရားသခင်၏ တရားတော်များအရ
ဤခန္ဓာကိုယ်ကြီးသည် ပထဝီ ၊ အာပေါ ၊ ဝါယော ၊ တေဇော
ဟူသော မြေ ရေ လေ အပူ အအေး ဓာတ်လေးပါးအစုအဝေးသာဖြစ်ပါသည် ။
ဓာတ်လေးပါးအစုအဝေးသည်
(ရုပ်) ဖြစ်၍ ၊ ခံစားတတ်ခြင်းသည် (နာမ်) ဖြစ်ပါသည် ။
ရုပ်နာမ်နှစ်ပါးမှလွဲ၍ သူ ၊ ငါမရှိပါ ။
ရုပ်နာမ်နှစ်ပါးသည် အစဉ်သဖြင့် ဖြစ်လိုက် ၊ ပျက်လိုက်
ဖေါက်ပြန်ပြောင်းလဲနေပါသည် ။
ဤဖြစ်ပျက် ဖေါက်ပြန်မှုသဘာဝကို အမှန်အတိုင်း
(ငါ) စွဲ - မစွဲ ဘဲ သိမြင်ခြင်းသည် ပညာသိဖြစ်သည် ။
ငါနာသည် ။ ငါကျင်သည် ။ ငါလှုပ်သည် ဟု
(ငါ) စွဲနေခြင်းသည်ကို သညာသိဟုခေါ်ပါသည် ။
ယင်းကဲ့သို့ (ငါ) စွဲ စွဲနေခြင်းကို ပညာသိနှင့် ဖြုတ်ချရန်အတွက်
တရားထိုင်နေခြင်းဖြစ်သဖြင့်
ဓာတ်ကြီးလေးပါး၏ လက္ခဏာသဘာဝများကို
သိရှိသဘောပေါက်ထားရန်လိုအပ်ပါသည် ။
♦
ပထဝီ တည်းဟူသော မြေဓာတ် လက္ခဏာသည်
ခက်မာခြင်းနှင့် နူးညံ့ခြင်းများ ဖြစ်ပါသည် ။
တရားထိုင်သောအခါ ဖြစ်ပေါ်လာသော
နာကျင်ကိုက်ခဲခြင်းတို့သည် ပထဝီဓာတ်ဖေါက်ပြန်ခြင်းဖြစ်သည် ။
ယင်းဓာတ်ဖေါက်ပြန်ခြင်းသည်
အခြားဓာတ်သုံးပါးထက်ပို၍ ပြင်းထန်ပါသည် ။
♦
အာပေါ တည်းဟူသော ရေဓာတ် လက္ခဏာသည်
ဖွဲ့စည်းမှုနှင့် ယိုစီးမှု လက္ခဏာများ ဖြစ်ပါသည် ။
ရေနှင့်ရေခဲသဘောမျိုးဖြစ်သည် ။ ပါးစပ်အတွင်းမှ
သွားရည်များစီးထွက်ခြင်း ၊ ချွဲကြပ်ခြင်း ၊ နှာရည်ယိုခြင်း ၊
မျက်ရည်ထွက်ခြင်း ၊ ချွေးထွက်ခြင်းတို့သည်
အာပေါဓာတ်ဖေါက်ပြန်သော လက္ခဏာများဖြစ်သည် ။
♦
ဝါယော တည်းဟူသော လေဓာတ်၏ လက္ခဏာမှာ
ထောက်ကန်ခြင်းနှင့် လှုပ်ရှားခြင်း အမူအရာ လက္ခဏာဖြစ်သည် ။
တရားထိုင်နေစဉ် ခန္ဓာကိုယ်သည် ရှေ့နောက်သောလည်းကောင်း ၊
ဆန်ကောဝိုင်းကဲ့သို့လည်းကောင်း ၊
လှုပ်ရှားနေခြင်း ၊ ခြေလက်အင်္ဂါများ ပရမ်းပတာလှုပ်ခြင်း ၊
ခန္ဓာကိုယ်အတွင်း၌ လေမုန်တိုင်းတိုက်ခတ်သကဲ့သို့
ခံစားရခြင်းအစရှိသည့် လက္ခဏာများသည်
ဝါယောဓာတ်ဖေါက်ပြန်သော သဘော လက္ခဏာများဖြစ်သည် ။
♦
တေဇောတည်းဟူသော အပူအအေးဓာတ်လက္ခဏာသည်
တရားထိုင်နေစဉ် အအေးခန်းဝင်သကဲ့သို့
ခန္ဓာကိုယ်အေးလာခြင်း ၊ နေပူထဲလမ်းလျှောက်ရသကဲ့သို့
ခန္ဓာကိုယ်ပူလာခြင်း ၊ မီးစနှင့်ထိုးသကဲ့သို့
တစ်နေရာတွင် ကွက်၍အပြင်းပူခြင်း ၊
တစ်ကိုယ်လုံးမီးလောင်သကဲ့သို့ပူလာခြင်း ၊
ရေခဲတုံးကြီးပေါ်တက်ထိုင်နေရသကဲ့သို့
အေးတက်လာခြင်း အစရှိသည့် သဘော လက္ခဏာများသည်
တေဇောဓာတ်ဖေါက်ပြန်မှုများဖြစ်ပါသည် ။
♦♦♦
သို့သော် ၄င်းဖေါက်ပြန်မှုများသည် ဘုရားဟောဒေသနာများအရ
သင်္ခါရသဘော ၊ အနိစ္စသဘောအရ
မမြဲဘဲ အမြင့်ဆုံးအထိ ဖေါက်ပြန်ပြီးလျှင် ချုပ်ပျက်ရမည်သာဖြစ်ပါသည် ။
ရုပ်ဖေါက်ပြန်မှု ချုပ်ပျက်သကဲ့သို့ ခံစားရသောနာမ်သည်လည်း
ရုပ်နှင့်အတူ တထပ်တည်းချုပ်ပျက်ရပေမည် ။
(မြတ်စွာဘုရား၏နောက်ဆုံးမှာတမ်းကို
ပြန်လည်ဖတ်ရှုပါက သဘောပေါက်ပေလိမ့်မည်) ။
ယင်းကဲ့သို့ ရုပ်နှင့်နာမ် တထပ်တည်း
ချုပ်ပျက်သွားသောအဆင့်အထိ ဖေါက်ပြန်မှုဝေဒနာ၏
စ/လယ်/ဆုံး ကို ရှုမှတ်သိရှိဘူးမှသာလျှင်
တရားယောဂီအစစ်အမှန်ဖြစ်ပေလိမ့်မည် ။
ယင်းကဲ့သို့ရှုမှတ်ဘူးပါက အသေတတ်သွားပြီး အပါယ်မလားတော့ပါဟု
ဆရာတော်ဘုရားကြီးက တဖွဖွအမိန့်ရှိပါသည် ။
♦♦♦
လူတိုင်းလူတိုင်းသည် တစ်နေ့သောအခါ ဓာတ်လေးပါးအနက်
တစ်ပါးပါးက ဦးဆောင် ဖေါက်ပြန်သောကြောင့်
ခန္ဓာကြွေပျက်ပြီး သေဆုံးရမည်မှာ အမှန်ပင်ဖြစ်သည် ။
ရန်ကုန်မြို့ရှိတစ်မြို့တည်းတွင်ပင် တစ်နေ့လျှင် ပျှမ်းမျှ
လူ(၃၀)ကျော်သေနေပါသည် ။ ကြံတောသုဿန်
မီးသဂြိုလ်သောနေရာသို့သွားရှုပါက ပိုသဘောပေါက်ပေလိမ့်မည် ။
♦♦♦
တရားစထိုင်သောအခါ ပထမဦးဆုံးဦးဆောင်၍
ဖေါက်ပြန်လာသောဓာတ်သည် မိမိကို သေရွာပို့မည့်ဓာတ်ဖြစ်ပါသည်ဟု
ဆရာတော်ဘုရားကြီးက အတိအလင်း
ထင်ထင်ရှားရှား တဖွဖွ အမိန့်ရှိပါသည် ။
ဆိုလိုသည်မှာ မိမိသောသောအခါ ထိုဓာတ်က ဖေါက်ပြန်ပြီး သေဆုံးရမည်ဖြစ်သည် ။
ထို့ကြောင့် တရားယောဂီ တို့သည် ပထမတရားထိုင်စဉ်
မိမိဦးဆုံးတွေ့ကြုံရသော ဓာတ်သဘောကို
နောကြေနေစေရန် အရေးကြီးပါသည် ။
ဖေါက်ပြန်မှုဝေဒနာ၏ ဖြစ်စ ၊ ဖြစ်လယ် ၊ ဖြစ်ဆုံးကို ရှုမှတ်သိရှိထားလျှင်
အပါယ်ဘေးမှ မုချကင်းဝေးနိုင်ပါသည်ဟု
ဆရာတော်ဘုရားကြီးက ရဲရဲအာမခံအမိန့်ရှိပါသည် ။
♦♦♦
သေခါနီးဆဲဆဲ ဓာတ်ကြီး လေးပါးဖေါက်ပြန်သောအခါ
ခံစားမှုဝေဒနာဟု ပညာသိဖြင့်မသိဘဲ ၊
ငါနာတယ် ၊ ငါကိုက်တယ် ၊ ငါအောင့်တယ် ၊
ငါပူတယ် ဟု အယူမှား အမှတ်မှား သညာသိဖြင့် သေခဲ့လျှင်
မုချ အပါယ်လေးပါးကျပေလိမ့်မည် ။
သေခါနီးဆဲဆဲတွင် သုခဝေဒနာ ၊
ဥပေက္ခာဝေဒနာများလာမည်မဟုတ်ဘဲ ၊
အသက်ခန္ဓာကို ချွေဖျက်မည့် ဓာတ်လေးပါးဖေါက်ပြန်မှု
ဒုက္ခဝေဒနာသာ လာပေလိမ့်မည်ဆိုသည်ကို အမြဲသတိပြုပါလေ ။
ထို့ကြောင့်ပင် မြတ်စွာဘုရားက သုဂတိဘုံသားများ
ကမ္ဘာမြေမှုန့်အရေအတွေက်လောက်သေလျှင်
လက်သည်းခွံပေါ်မှာရှိသော မြေမှုန့်အရေအတွက်လောက်သာ
သုဂတိဘုံကိုပြန်ပြီးရောက်ရပေသည်ဟု
(နခသိခသုတ်)တွင် အထင်အရှား ဟောကြားတော်မူခဲ့ပါသည် ။
အဘယ့်ကြောင့်ဆိုသော် များစွာသော သူတို့သည်
ဓာတ်လေးပါး ဖေါက်ပြန်မှု ဝေဒနာဒုက္ခကို
အမှန်ပညာသိဖြင့် မသိဘဲ ၊ အမယ်လေး အဘလေး
ကယ်ပါ ယူပါ ဟု အော်ဟစ်ကာ ဒေါသစိတ်
သညာသိနှင့် သေကြသဖြင့် အပါယ်လေးပါးသို့လားရပေသည် ။
မြင်တယ် ၊ ကြားတယ် ၊ န့တယ် ၊ တောင့်တယ် ၊
ကျင်တယ် ၊ ကိုက်တယ် ၊ နာတယ် ၊ ပူတယ် ၊ အေးတယ်
အစရှိသည် များသည် မရှိသောတရားများဖြစ်သည် ။
မရှိကို အရှိဟုထင်ကာ အယူမှား အမှတ်မှားနှင့်
သံသရာလဆန်း တစ်ရက်နေ့ကတည်းက
အမည်သညာများနှင့် ခေါ်ဝေါ်နေခြင်းဖြစ်သည် ။
ထိုအရာအားလုံးသည် ဝေဒနာနာမ် ၏ ခံစားသော
သဘောတစ်ခုတည်းဟု အမှတ်ပြုပြီး ပညာသိဖြင့် သိနေရမည်ဟု
ဆရာတော်ဘုရားကြီးက ထပ်ခါတလဲလဲ မိန့်ကြားဆုံးမတော်မူခဲ့ပါသည် ။
♦♦♦
#crd
#မြတ်စွာဘုရား
#ဘုရား
#ဘုရားသမိုင်းအကြောင်း
#တရားတို #တရားေတာ္ #တရားတော်များ2021 #တရားတော်များ2022 #တရားတော်များ2023 #တရားတော်များစုစည်းရာ #တရားတော် #တရားတော်များ #တရားအမေးအဖြေ #တရားအမေးအဖြေများ #buddha_stories #buddhaquotes #စိတ် #သုတရသ #သုတ
#ကုသိုလ် #buddhateachings #စိတ်ခွန်အား #buddhainspired #buddhawhatsappstatus #buddhastory ##buddha_face_carving #စာအုပ်စာပေ #စာအုပ် #စာပေ #စိတ်ဓာတ်ခွန်အားရှိစာပေများ #စိတ်ဓါတ်မြှင့်တင်ရေး
#buddha #dhamma #buddhist #buddhism