“Qarabağ FK – 30 mövsüm səfərdə” | 2-ci bölüm | Bakı Media Mərkəzi

Описание: Bakı Media Mərkəzi, “Salnaməfilm” studiyası və İctimai Televiziyanın birgə istehsalı olan “Qarabağ FK – 30 mövsüm səfərdə” sənədli filmi “Qarabağ” klubunun tarixini və mənəvi yolunu əks elətdirir.

Üç bölümdən ibarət bu sənədli film “Qarabağ”ın həm yerli çempionatda, həm də avrokuboklarda qazandığı nailiyyətləri, Ağdam şəhərinin işğalından sonra “İmarət” stadionunun taleyini, eləcə də “köhlən atlar”ın keçmiş futbolçularının yaddaşlarda yaşayan xatirələrini əks etdirir.

Filmdə həmçinin xarici jurnalistlərin və futbolçuların “Qarabağ” klubu və “İmarət” stadionu haqqında hazırladıqları müsahibələr və fikirlərindən də maraqlı hissələr yer alıb.

Filmin 2-ci bölümü “İkinci nəfəs” adlanır. Bu bölümdə “Qarabağ”ın Azərbaycan futbol tarixində ilk beynəlxalq qələbəsini qazanır. Zaman göstərir ki, Avropa yarışlarına vəsiqə qazanması kluba yeni nəfəs verir.

Mədəniyyət Nazirliyinin dəstəyi ilə hazırlanan "Qarabağ” FK-30 mövsüm səfərdə" sənədli filminin baş prodüseri Bakı Media Mərkəzinin prezidenti Arzu Əliyeva, prodüserləri Orman Əliyev, Balakişi Qasımov, quruluşçu rejissoru Fuad Quliyev, quruluşçu operatoru Mateuş Çuxnovski, ssenari müəllifləri İsmayıl Səfərəli, Roman Orkodaşvili, Ramil Ələkbərov və Fuad Quliyevdir.