گل رنگیں | علامہ اقبال کی خوبصورت نظم | بانگِ درا | اردو شاعری

Описание: گل رنگیں | علامہ اقبال کی مشہور نظم بانگِ درا سے | Allama Iqbal Poetry in Urdu
علامہ محمد اقبال کی ابتدائی دور کی خوبصورت نظم "گل رنگیں" مکمل سنئیے دلکش آواز اور خوبصورت مناظر کے ساتھ۔ یہ نظم گلِ رنگیں سے مکالمہ کی صورت میں ہے جہاں شاعر اپنی بے چین روح، جستجو اور خودی کی تڑپ کا اظہار کرتا ہے۔
مکمل اشعار:
تو شناسائے خراش عقدئہ مشکل نہیں
اے گل رنگیں ترے پہلو میں شاید دل نہیں
زیب محفل ہے، شریک شورش محفل نہیں
یہ فراغت بزم ہستی میں مجھے حاصل نہیں
اس چمن میں میں سراپا سوز و ساز آرزو
اور تیری زندگانی بے گداز آرزو
توڑ لینا شاخ سے تجھ کو مرا آئیں نہیں
یہ نظر غیر از نگاہ چشم صورت بیں نہیں
آہ! یہ دست جفاجو اے گل رنگیں نہیں
کس طرح تجھ کو یہ سمجھائوں کہ میں گلچیں نہیں
کام مجھ کو دیدئہ حکمت کے الجھیڑوں سے کیا
دیدئہ بلبل سے میں کرتا ہوں نظارہ ترا
سو زبانوں پر بھی خاموشی تجھے منظور ہے
راز وہ کیا ہے ترے سینے میں جو مستور ہے
میری صورت تو بھی اک برگ ریاض طور ہے
میں چمن سے دور ہوں تو بھی چمن سے دور ہے
مطمئن ہے تو، پریشاں مثل بو رہتا ہوں میں
زخمی شمشیر ذوق جستجو رہتا ہوں میں
یہ پریشانی مری سامان جمعیت نہ ہو
یہ جگر سوزی چراغ خانہ حکمت نہ ہو
ناتوانی ہی مری سرمایہ قوت نہ ہو
رشک جام جم مرا آئینہ حیرت نہ ہو
یہ تلاش متصل شمع جہاں افروز ہے
توسن ادراک انساں کو خرام آموز ہے
علامہ اقبال کی شاعری خودی، حبِ وطن اور زندگی کی بے چینی کی عکاس ہے۔ اگر آپ کو اقبال کی نظمیں پسند ہیں تو چینل کو سبسکرائب کریں اور بیل آئیکن دبائیں تاکہ نئی ویڈیوز فوراً ملیں!
مزید اقبال کی نظمیں:
• اے ہمالہ
• شکوہ و جوابِ شکوہ
• خضرِ راہ
سبسکرائب کریں
لائک، شیئر اور کمنٹ میں اپنا پسندیدہ شعر ضرور لکھیں!
#AllamaIqbal #IqbalPoetry #UrduPoetry #گل_رنگیں #بانگ_درا
Keywords: علامہ اقبال کی نظمیں، گل رنگیں نظم، بانگ درا، اردو شاعری، Iqbal Shayari, Motivational Poetry Urdu