Tv Klan - Tirana pa ujë edhe për festa, shkarkohet kreu i UKT-së

Описание: Tirana po vuan mungesën e ujit të pijshëm edhe në këto ditë festash. Kjo situatë e rënduar ka çuar në shkarkimin nga detyra të drejtorit të Ujësjellës-Kanalizmeve Tiranë, Skerdi Drenova.

Mësohet se shkak për këtë vendim është bërë keqmenaxhimi në drejtimin e këtij institucioni dhe moszgjidhja e një problematike që zgjat prej disa muajsh, ku disa zona ka kufizime drastike prej 23 orësh.

“Ky vit ishte ndër më të vështirët për banorët e Kombinatit, një nga zonat me më shumë probleme me furnizimin me ujë. Banorët furnizohen me jo më shumë se 1 orë ujë në ditë, ndërsa situata që vetëm është përkeqësuar po i gjen pa ujë edhe në natën e ndërrimit të viteve”, raporton gazetarja e Tv Klan, Gerta Vasku.

Me vetëm 1 orë ujë në ditë, banorët shprehen të shqetësuar se situata duhet të kishte marrë zgjidhje. Por Kombinati vuan për ujë dhe qytetarët nuk përmbushin dot as nevojat më bazike të tyre.

“Kur duan e bien, kur duan e heqin. Kemi depozitat, se po të mos ishin ato e di ti si do ishte jeta”.

“Depozitat na mbajnë”.

“Njëherë në ditë vjen. Mbushim depozitat, çfarë të bëjmë më parë”.

“S’ka ujë. Më shumë na duhet tani”.

Por me furnizim të kufizuar të ujit do t’i gjejë ky fundvit edhe zona të tjera të kryeqytetit. Problematika e ujit është thelluar. Kjo situatë ngre pikëpyetje tek qytetarët se përse uji mungon edhe në dimër.

“Mbush depoziten, nuk del. Unë isha pardje, pashë Bovillën plot ishte”.

Për banorët e kryeqytetit, ky vit ishte ndër më të vështirët. Në zona të caktuara uji ka munguar edhe me ditë të tëra dhe, në rastin më të mirë, qytetarëve u është dashur të bëjnë roje tek rubinetët për të mbushur depozitat apo çdo alternativë tjetër për të siguruar ujë.

“Gjithmonë s’kemi pasur, për festa jo e jo, me pikatore. Njësoj si në verë e dimër, sidomos ky vit s’ka pasur asnjë ndryshim”.

Mungesa e ujit është kthyer në një problem të përditshëm për Tiranën, duke e kthyer kryeqytetin e një vendi që aderon për anëtarësimin e shpejtë në BE në një rast unik. Pa ujë këtë vit në Tiranë nuk mbetën vetëm banorët, spitalet apo institucionet e rëndësisë së veçantë, por edhe rezidencat e përfaqësive diplomatike.

Tv Klan

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/