«Жан продакшнға» 1,5 млн теңге төлеген ата-аналар ақшасын қайтара алмай жүр

Описание: Арнаға тіркел / Подпишись на канал:    / @thesevennews  

«Жан продакшн» тағы да жанжалдың ортасында. Киностудияның Алматы және Шымкент филиалдарына біраз ата-ананың өкпесі қара қазандай. Әрқайсысы 1,5 млн теңгеден шығындалған жұрт ақшасын даулап жатыр.
Осыдан бұрын дәл осы жайт туралы біз тамыз айында айтқан едік. Ол кезде студия басшылығы арнаға жауап бермеген, ал актер Жан Байжанбаев эксклюзив сұхбат беріп, өз ақиқатымен бөліскен. Қазір оқиға өз жалғасын тапты. Шағымданушылар: «Әдетте кастингтен өткен актерге ақша төленуі тиіс еді, бұл жобада керісінше біз кредит алдық», - деп ағынан жарылды.
МАРГАРИТА, АЛМАТЫ ТҰРҒЫНЫ:
Инстаграм желісінде танымал актерлер Жанна Қуанышева, Жан Байжанбаевтың жарнамасы қызықтырды, біз оларды жастайынан білеміз ғой. Жан Байжанбаев жарнамада 7-17 жас аралығындағы балаларды оның қатысуымен киноға шақырған соң, әрине біз қуана қатысамыз деп шештік. Балам да шығармашылықты жақсы көреді. Әрине, бізге Голивудтың дәрежесіндей премьера, қызыл кілем төселеді деп айтқан. Сол үшін де 1 млн 600 мың кредит алып төлеген едік. Алайда 2 айдан соң 2 наурыздан бастап компания жұмысын тоқтатқанын хабарлады.
НАДЕЖДА, АЛМАТЫ ТҰРҒЫНЫ:
Ата-аналардың көбі жаза бастады. 140-тан астам адам бар. Зардап шеккендердің барлығын толық таба алмадық, бар күшімізбен жиналып, студияға бардық, бірақ ол жабық тұрды. РОВД-ға хабарласып алаяқтық деп арыз жаздық.
Кешеден Алматыдағы ата-аналар хабарласса, бүгін Шымкентте зардап шеккендер арнамызға шықты. Олар басты рөлде ойнау үшін киностудиға әрқайсысы 1 млн 600 мың теңгеден беріп, келісімшарт жасасқан. Ал қаржы таппағандар үшін киностудия бөліп төлеуді ұсыныпты. Орталық алдымен балаларға сабақ өтіп, кейін түсірілімдер болатынын айтқан. Алайда сабақты да толық өтпепті.
Атақ пен мадаққа ие боламын деген олар қазір ақшаларын қайтара алмай әділдік іздеп, полиция есігін қағып жүр. Олар жарнама жасаған актер де, орталыққа қатысты барлық адам заң алдында жауап беруін талап етіп отыр.
Біз студия директорына тағы да байланысқа шығып көрдік. Жаз кезінде жауапсыз қалдырған ол бүгін де кері байланыс орнатпады. Ал актер Жан Байжанбаев телефонды көтерді, айтуынша, студияда есімі болғанымен оған түк қатысы жоқ. Басшысы да, ата аналармен шартқа отырған басқа адам, мен емес деп ренішін білдірді.
ЖАН БАЙЖАНБАЕВ, АКТЕР:
Ержан хабарласып, айтты. «Жан, сіздің алдыңызда қолайсыз жағдайға тап болдым. Сіздің есіміңіз орталыққа берілген». Мен: «Жарайды енді, жағымсыз атқа тап болып жатырмыз ғой» деп айттым. Енді не істейміз?! Бастысы, бұл рас еместігін мен өзім білемін. Сосын ол: «Егер біз фильм түсірілімін жалғастыратын болсақ, тегін киноға түсесіз бе?» - деп сұрады. Мен: «Әәрине, түсемін», - деп жауап бердім. Мен тірімін, мен бармын. Бұрыннан түсіп жүрген адаммың ғой, қазір де тегін түсіп бере аламын. Одан қашып тұрған жоқпын.

Ал Алматы жергілікті полициясы шағымдар түскенін растап, осы жағдайға байланысты қылмыстық іс қозғалып тергеу басталғанын мәлімдеді.
САЛТАНАТ ӘЗІРБЕК, АЛМАТЫ ҚАЛАСЫ ПД РЕСМИ ӨКІЛІ:
Қазіргі таңда бұл дерек бойынша ҚК 190-бабы 3-тармағы бойынша, яғни бірнеше рет жасалған алаяқтық дерек бойынша қылмыстық іс қозғалды. Тергеу амалдары жүргізілуде.
Енді зардап шеккендер кино болмаса, қаражаттарын тез арада қайтаруын талап етеді. Себебі бала арманы орындалсын деген ата-ана бүгін қарызға белшеден батқан.
---------------------------------------------
Официальный сайт «Седьмого канала» https://tv7.kz/ru/
Instagram:   / tv7_kz  
TikTok:   / tv7_kz  
Facebook:   / tv7kz  
Telegram: https://t.me/tv7_kaz

#Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал