Berisha mbledh Task-Forcën rregullatore, miratohen sugjerimet e biznesit - (10 Prill 2012)

Описание: Lajme arkiva 2012

Task-Forca Rregullatore përshtati vendimmarrjen e saj për përmirësimin e klimës së biznesit me propozimet e përfaqësuesve të biznesit të bëra gjatë një konsultimi të gjerë me kryetarin e qeverisë Sali Berisha. Të gjitha sugjerimet kryeministri i cilësoi si të dobishme që i shërbejnë thjeshtimit të burokracisë dhe rritjes së transparencës në procedura. Kryeministri përmendi propozimin e dalë nga tryeza për funksionimin në 1 të Këshillit të Biznesit dhe Këshillit të Punës.

Sali Berisha: “Megjithatë një propozim shumë të drejtë sepse janë të pashkëputura nga klima e biznesit të tregut të punës, fleksibilitetit dhe standardeve të punës. Gjykojnë se biznesi në tryezën që mbajtëm shprehu opinione, mendime, sugjerime qartësisht të rëndësishme dhe të vlefshme. Kërkohet një thjeshtim i burokracive, një rritje e mëtejshme e transparencës së procedurave”.

Duke reflektuar dhe propozimet e biznesit Task-Forca rregullatore vendosi për heqjen e TVSH-së për makineritë dhe pajisjet e importit, krijimin e një Këshilli të vetëm Kombëtar të Biznesit dhe Punës dhe në funksion të rritjes së transparencës në Prokurimet Publike u vendos që të publikohen çdo 6 muaj krahas informacionit mbi garuesin, ofertat etj, edhe lista e kompanive që kanë marrë pjesë në tender dhe janë shpallur fitues. Kryetari i qeverisë e cilësoi punën e bërë nga Task-Forca një përpjekje të re për krijimin e një klime më të mirë për biznesin në funksion të dinamikës që imponon ekonomia globale. Duke konsideruar burokracinë si armikun e vërtetë të biznesit kryeministri tha se qeveria që drejton mbetet e vendosur të ofrojë cilësi, transparencë e procedura të thjeshtuara. Një javë më parë kryeministri Sali Berisha nisi takimet me përfaqësues të biznesit me qëllim konsultimin e një pakete të re reformash për ta bërë më konkurruese ekonominë shqiptare. Ky takim do të pasohet nga të tjera tryeza me përfaqësues të biznesit sipas fushave të zhvillimit./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/