#Nakhatrana

Описание: #ખાંભલા ડબલ મર્ડર પ્રકરણમાં યુવતીના પિતા ઉપરાંત માતા અને સગીર ભાઈ તેમજ ભાણેજની ભૂમિકા સામે આવી...

#યુવતીના માતા-પિતા સહિત ચાર આરોપીઓની ધરપકડ...

#નખત્રાણા તાલુકાના ખાંભલા ગામે યુવતી અને યુવક એવા પ્રેમી પંખીડાની હત્યા થયાની ઘટનામાં પિતા અને તેના ભાણેજ ઉપરાંત યુવતીની માતા અને સગીર વયના ભાઈની પણ ભૂમિકા બહાર આવી છે પોલીસે ડબલ મર્ડરની ચકચારી ઘટનામાં મરણજનાર નાથીબેન ઉર્ફે સોનુ રબારીના પિતા વંકા ઉર્ફે રાજા પન્નાભાઈ રબારી રહેવાસી ખાંભલા ઉપરાંત તેના ભાણેજ સોમા ઉર્ફે પબા સામત રબારી રહેવાસી સરગુવારા તથા મરણ જનાર યુવતીની માતા હીમાબેન વંકાભાઇ રબારી અને તેમનો એક સગીરભાઈ તથા ફોઈનો પુત્ર એમ કુલ ચાર આરોપીઓની પોલીસે ધરપકડ કરી છે. આ ચક્કચારી ડબલ મર્ડરની વિગતો આપતા નાયબ પોલીસ અધિક્ષક એમ.જે. ક્રિશ્ચિયને જણાવ્યું હતું કે ડબલ મર્ડરની આ ઘટનામાં સંબંધીત યુવતી નાથીબેન અને યુવક નવીન રબારી વચ્ચે બે વર્ષથી પ્રેમ પ્રકરણ હતું, બનાવના દિવસે એટલે કે ત્રીજી ફેબ્રુઆરીના રોજ યુવક અને યુવતી કોઈને કયા વગર નાસી ગયા હતા. આ બંને યુવક અને યુવતી કોટડા જડોદર નજીક હોવાની હકીકત જાણવા મળ્યા બાદ યુવતીના પિતા વંકાભાઈ અને તેમની પત્ની એટલે કે મરણ જનાર નાથીબેનની માતા હીમાબેન તથા નાનો દીકરો તથા ફઈનો દીકરો સોમા ઉર્ફે પબો રબારી વગેરે શોધવા માટે નીકળ્યા હતા જ્યાં નાથીબેન અને નવીન મળી જતા આરોપીઓએ નાથીબેનને સમજાવી ઘરે આવવા દબાણ કરેલ પરંતુ નાથીબેન તેમની સાથે આવવાનીના પાડી દેતા અને પોતાના પ્રેમી નવીન સાથે જવાની જીદ કરતા આખરે આ આરોપીઓએ એકબીજાની મદદ કરી નાખીબેન અને નવીનને ગળે ટૂંપો આપી મોતને ઘાટ ઉતારી દીધો હતો. બાદમાં એક મોટર સાયકલ પર બંનેની લાશો લઈ જઈ નજીકમાં આવેલ અવાવરૂ કુવામાં બનેની લાશો ફેંકી દેવાઇ હતી જ્યાંથી પોલીસે આ બંને લાશો બહાર કાઢી છે. શ્રી ક્રિશ્ચિયનના જણાવ્યા પ્રમાણે આ બંને યુવક અને યુવતી ગુમ થયાની નોંધ સાથે મરણ જનાર યુવતીના પિતાની ભૂમિકા શંકાસ્પદ જણાઈ હતી. જેને લઇ નખત્રાણા પોલીસે તેના પર વોચ રાખી હતી. આ વોચ દરમિયાન આખરે પોલીસને જે શંકા હતી તે સાચી ઠરી હતી અને પોલીસે વંકા રબારી અને તેની પત્ની સહિત ચારે આરોપીઓને પકડી પાડ્યા છે હવે આગળની કાર્યવાહી હાથ ધરાઇ છે આ આરોપીઓને સંભવત આવતીકાલે ન્યાયાધીશ સમક્ષ રજૂ કરી રિમાન્ડની માંગણી કરવામાં આવશે અને રિમાન્ડ દરમિયાન આરોપીઓની ઘનિષ્ઠ પૂછપરછ થશે. આ મામલે નાયબ પોલીસ અધિક્ષક એમ.જે. ક્રિશ્ચિયને વધુમાં જણાવ્યું હતું...