អតីតប្រធានាធិបតីស៊ីរី រ៉ាយរ៉ាប់ពីថ្ងៃរត់ភៀសខ្លួន

Описание: នៅក្នុងបទសម្ភាសន៍មួយ លោក Bashar Al Assad បានរ៉ាយរ៉ាប់ពីការរត់ភៀសខ្លួនរបស់លោកថា លោកមិនមានគម្រោងចាកចេញពីប្រទេសស៊ីរី បន្ទាប់ពីការដួលរលំនៃទីក្រុង Damas កាលពីមួយសប្តាហ៍មុននោះទេ ក៏ប៉ុន្តែយោធារុស្ស៊ីជាអ្នកបង្ខំជម្លៀសលោក បន្ទាប់ពីមូលដ្ឋានរបស់ពួកគេនៅភាគខាងលិចប្រទេសស៊ីរីត្រូវបានរងការវាយប្រហារ។
លោក Assad បាននិយាយនៅក្នុងសេចក្តីថ្លែងការណ៍មួយនៅលើទំព័រ Facebook ផ្លូវការរបស់លោកថា លោកបានចាកចេញពីទីក្រុង Damas នៅព្រឹកថ្ងៃទី ៨ ខែធ្នូ បន្ទាប់ពីក្រុមបះបោរបានវាយលុកចូលរដ្ឋធានីចុងក្រោយនេះ។ លោកបាននិយាយថា បានចាកចេញពីប្រទេសដោយមានការសម្របសម្រួលពីសំណាក់សម្ព័ន្ធមិត្តរុស្ស៊ីទៅកាន់មូលដ្ឋានរុស្ស៊ីនៅក្នុងខេត្តជាប់មាត់សមុទ្រ Latakia ជាកន្លែងដែលលោកគ្រោងនឹងបន្តការប្រយុទ្ធតតាំងជាមួយក្រុមឧទ្ទាម។