“Po jetojmë një ëndërr”, grupi Stil Novo surprizon Arta Bajramin

Описание: Arta Bajrami vjen për herë të parë me një bashkëpunim ndërkombëtar me grupin italian Stil Novo. “La notte di San Lorenzo” titullohet kënga e sapo publikuar që tashmë ka marrë vëmendjen edhe të mediave italiane. Grupi dhe këngëtarja nuk kanë mundur ende të takohen nga afër, ndaj videoklipi i këngës është realizuar në distancë.

Por përmes teknologjisë, ata surprizojnë Arta Bajramin në programin “Rudina” në Tv Klan duke i dërguar një mesazh falënderimi dhe vlerësimi për bashkëpunimin e tyre të suksesshëm.

Viames Arcuri: Kjo është hera e parë që flas në një program në Shqipëri dhe jam vërtet shumë i lumtur që jam mysafiri juaj. Dua të përshëndes Artën, mbretëreshën tonë. Bashkëpunimi me të ishte një nga gjërat më të bukura që na ka ndodhur ndonjëherë neve. Në Itali kënga u prit shumë mirë. Dua t’ju them diçka në italisht sepse shqipen nuk e flas shumë mirë dhe as anglisht nuk flas shumë mirë, por në gjuhën time mund t’ju them se ky bashkëpunim që është muzika, në këtë moment po më jep shumë si autor këngësh pasi po flitet shumë për këtë bashkëpunim ndërkombëtar me Arta Bajramin. Dhe mezi pres ta falënderoj Artën, qoftë në Itali, qoftë në Shqipëri apo kudo tjetër. Faleminderit Tiranë dhe shihemi së shpejti!

Luana Belluci: Përshëndetje të gjithëve, unë jam Luana dhe jam këngëtarja e grupit Stil Novo. Kjo këngë për mua ka qenë si një derë që u hap papritur dhe më dha mundësinë të këndoj me një artiste me famë ndërkombëtare si Arta. Para kësaj nuk kisha pasur mundësinë të bëja të dëgjohej zëri im jashtë Italisë, kështu që kjo është një përvojë krejtësisht e re. Flas në emrin tim dhe në emrin e gjithë anëtarëve të grupit të cilët, si unë, po jetojnë këtë ëndërr duke folur për magjinë e natës së San Lorenzo-s dhe yjeve që bien. Faleminderit sërish, përshëndetje, një puthje!

Alessandro Maiani: Bashkëpunimi me muzikantë dhe profesionistë të jashtëzakonshëm, me të cilët nuk kam pasur asnjë problem për t’u kuptuar edhe në distancë, ka qenë shumë i bukur. Ka qenë shumë kënaqësi të punoj me Artën dhe me gjithë stafin e saj. Reagimi i publikut ka qenë shumë pozitiv: produksioni është pëlqyer, kënga është pëlqyer dhe zëri i Artës ka mahnitur këtu në Itali, por edhe publiku shqiptar ka reaguar shumë mirë ndaj këtij bashkëpunimi mes Italisë dhe Shqipërisë.

Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale. #stilnovo #artabajrami

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Rudina #RudinaMagjistari #TVKlan