Լոյս արարիչ լուսոյ առաջին լոյս։ Սաղմոսերգու

Описание: Խմբավար` Վահե Բեգոյան
Սաղմոսերգու երգչախումբ

Լոյս արարիչ լուսոյ առաջին լոյս

Լոյս, արարիչ լուսոյ, առաջին լոյս. բնակեալդ ի լոյս անմատոյց. Հայր երկնաւոր ի դասուց լուսեղինացն օրհնեալ. ի ծագել լուսոյ առաւօտուս ծագեա՛ ի հոգիս մեր զլոյս քո իմանալի:

Լոյս, ի լուսոյ ծագումն արեգակն արդար. անճառ ծնունդ Հօր Որդի. յառաջ քան զարև անուն քո գովեալ ընդ Հօր. ի ծագել լուսոյ առաւօտուս ծագեա՛ ի հոգիս մեր զլոյս քո իմանալի:

Լոյս, ի Հօրէ բղխումն աղբիւր բարութեան. Հոգիդ Սուրբ Աստուծոյ. մանկունք Եկեղեցւոյ ընդ հրեշտակս զքեզ բարեբանեն. ի ծագել լուսոյ առաւօտուս ծագեա՛ ի հոգիս մեր զլոյս քո իմանալի։

#սաղմոսերգու #երգչախումբ #վահեբեգոյան #լույս #լոյս #սաղմոսերգուերգչախումբ