Rama prezanton platformën e integrimit të ish-të përndjekurve politikë-(2 Mars 2012)

Описание: Lajme Arkiva 2012

Kryetari i Opozitës ka fajësuar mazhorancën e djathtë se nuk ka adresuar asnjë nga problemet e shumta që ka shtresa e ish-të përndjekurve politikë.
Edi Rama: “Në rast se kjo plagë mbetet e hapur sepse asnjëherë nuk ka pasur një vullnet politik për ta mbyllur dhe më keq akoma sepse vijimësisht lotët e krokodilit të derdhura për ta dhe fjalët lumë të lëshuara në emër të tyre kanë qenë fakt dhe fatkeqësisht as më shumë e as më pak se sa një tallje cinike”.
Gjatë tryezës së radhës të zhvilluar në kuadër të programit politik ku Partia Socialiste ka prezantuar platformën e saj për integrimin e ish-të dënuarve të regjimit komunist, kryesocialisti u shfaq krenar në vitet e para të pluralizmit që të dalë me një propozim konkret për nxjerrjen nga burgjet e kësaj shtrese të burgosurish.
Edi Rama: “Do të jem tërë jetën krenar përpara çdo njeriu që ishte në burgun politik në fillim të vitit 1991 sepse isha ndër nismëtarët e pakët të një peticioni për lirimin e të gjithë të burgosurve politik drejtuar presidentit komunist Ramiz Alia”.
Por premtimet e Ramës se partia e tij është e vetmja që do t’u mundësojë integrimin e ish-të përndjekurve politikë duket se nuk ka ngjallur besim tek vetë përfaqësuesit e kësaj kategorie të cilët ndodheshin në sallë dhe skepticizmi i tyre lidhej me sjelljen e socialistëve në zgjedhjet lokale me aleatët e tyre të vegjël e pikërisht partinë e ish-të përndjekurve.
Naim Manjani: “Ju atje paraqitët një kandidaturë shumë të respektuar. Unë dhe njerëzit që vijnë pas mua e kemi mbështetur atë, por kur erdhi puna për të numëruar votat, përfaqësuesit tuaj bënë të njëjtën lojë që bënë përfaqësuesit e Sali Berishës. Votat për këshillltarë që na takonin neve i morëm me dorën e majtë dhe kur deklaruan më së fundmi filluan të qeshnin dihet ajo punë se kështu është ajo punë se ne kemi një njeriun tonë në Këshillin Bashkiak se sa të kenë një njeri që nuk e din do arrijë apo s’do arrijë të jetë në rresht. Nga pikëpamja filozofike këtu qëndron problemi i besueshmërisë”. Nuk po dal shumë nga linja zoti Edi.”
Edi Rama: “Nuk është punë linje kjo”.
Naim Manjani: “Në qoftë se biem dakord që ta ndjekim këtë program bashkërisht. Nëse ju nuk keni interes të dini mendimet tona se çfarë na shqetëson. Nga studimet që kemi bërë ne Vlorë të gjithë të persekutuarit nuk janë hiç të kënaqur. Këto janë probleme që ju duhet t’i dini dhe që ta ngrini aty ku duhet. Unë e kisha për besueshmërinë, ajo që dua të them është që ju duhet ta merrni seriozisht marrëdhënien me ne”.
Në programin e selisë rozë veç të tjerash parashikohet që për ish-të burgosurit politikë mbi 75 vjeç të dëmshpërblehen brenda 1 viti gjatë mandatit të parë të Qeverisë Socialiste./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/