Nagpur crime: बापानेच केली पोटच्या 8 वर्षाच्या धनश्री ची ह:त्या |प्रकरणात धक्कादायक खुलासा |

Описание: #nagpur
#crimenews
#latestnews



A shocking crime in Nagpur where a father stabbed his 8 year old daughter to death





आई-वडिलांसाठी त्यांचं बाळ म्हणजे त्यांचं संपूर्ण विश्व असतं. त्या लेकराच्या हसण्यात, रडण्यात, भविष्यात आई-वडिलांचा संपूर्ण जीव गुंतलेला असतो. आपल्या मुलासाठी आई-वडील कोणतीही तडजोड करायला तयार असतात, असं आपण नेहमी म्हणतो. पण नागपूरमधून समोर आलेली ही घटना, माणुसकीला काळिमा फासणारी असून, एका बापाने आपल्या पोटच्या मुलीवरच हात उगारल्याचा भयंकर वास्तव समोर आणते. ही घटना ऐकून केवळ नागपूरच नाही तर संपूर्ण महाराष्ट्र हादरून गेला आहे.नागपूरच्या वाठोडा परिसरातील सरोदेनगर येथे बुधवारी, १४ जानेवारी रोजी पहाटे एक अत्यंत हृदयद्रावक घटना घडली. अवघ्या आठ वर्षांची चिमुकली धनश्री शेंदरे हिची तिच्याच वडिलांनी निर्घृण हत्या केली. विशेष म्हणजे, ही संपूर्ण घटना मुलीच्या आजीने आपल्या डोळ्यांनी पाहिली आणि तातडीने पोलिसांकडे धाव घेतली. एका आजीच्या डोळ्यांसमोर तिच्या नातीचा रक्ताच्या थारोळ्यात मृत्यू होतो, धनश्री ही तिचे वडील शेखर शेंदरे, वय ४६, आजी कुसुमबाई शेंदरे आणि काकांसोबत एका भाड्याच्या घरात राहत होती. शेखर आणि त्याची पत्नी शुभांगी यांच्यातील वैवाहिक मतभेदांमुळे दोघे अनेक दिवसांपासून वेगळे राहत होते. या वादाचा केंद्रबिंदू होता – मुलीचा ताबा. शुभांगीला आपल्या मुलीचा ताबा हवा होता, तर शेखर याला तीव्र विरोध करत होता. या ताब्याच्या वादानेच पुढे इतकं टोकाचं आणि अमानुष वळण घेतलं.पोलिस तपासात समोर आलेल्या माहितीनुसार, शेखर शेंदरे दारूच्या व्यसनाधीन होता. तो पत्नीवर संशय घ्यायचा, वारंवार भांडणं करायचा आणि मारहाणही करायचा. या कारणांमुळेच शुभांगीने वेगळं राहण्याचा निर्णय घेतला होता. मात्र मुलगी धनश्री ही वडिलांकडेच राहत होती. हीच गोष्ट शेखरच्या डोक्यात घर करून बसली होती की, कोणत्याही परिस्थितीत मुलगी आईकडे जाऊ नये.बुधवारी पहाटे साडेपाच ते पावणे सहाच्या दरम्यान धनश्रीने झोपेतून उठून पाणी मागितलं. एक साधी, निरागस मागणी. पण दारूच्या नशेत आणि रागाच्या भरात असलेल्या शेखरचा संयम पूर्णपणे सुटला. तो थेट स्वयंपाकघरात गेला, चाकू आणला आणि क्षणाचाही विचार न करता त्याने आपल्या आठ वर्षांच्या मुलीच्या छातीत सपासप वार केले. त्या निष्पाप मुलीला काय घडतंय हे समजण्याआधीच तिचं संपूर्ण आयुष्य संपवण्यात आलं.धनश्री रक्ताच्या थारोळ्यात तडफडत असताना, हे दृश्य तिची आजी कुसुमबाई यांच्या डोळ्यांसमोर घडत होतं. आजीने आरडाओरड करत तातडीने नातवंडाला उचलून जवळच्या