Jozefina Topalli inspekton përmbytjet në Shkodër, bën thirrje për evakuim-(1 Dhjetor 2010)

Описание: Lajme Arkiva 2010

Një tjetër apel për evakuim vjen në adresë të banorëve të përmbytur në qarkun e Shkodrës.

Ka qenë kryeparlamentarja Jozefina Topalli, ajo që ka inspektuar në orët e para të mëngjesit nga afër fshatrat më problematik, të cilët prej dy ditësh gjenden nën pushtetin e ujit.

Jozefina Topalli: “Situata sot në Shkodër është edhe më e rënduar. Prej dy muajsh ka një shi që nuk pushon ditë e natë. Jemi në kushtet e një çmendurive të lumeve që e rrethojnë qytetin e Shkodrës. Unë njerëzisht i kërkoj edhe një herë çdo banori të zonës së Nënshkodrës të largohet nga zonat e përmbytura. Janë 1900 shtëpitë e rrethuara nga uji. Unë i kërkoj atyre që një minutë a më përpara kanë mbështetjen e ushtrisë, kanë mbështetjen e shtetit, të shfrytëzojnë këtë mbështetje për të larguar fëmijët dhe për t'u largu vetë, për sa kohë që kjo kohë mesa duket do të vazhdojë”.

Gjatë inspektimit në qarkun e Shkodrës kryeparlamentarja Topalli u ndal në harkun e Bërdicës, që është i pakalueshëm për mjetet e vogla si dhe në hyrjen e qytetit të Shkodrës, ku niveli i ujit në disa zona arrin në 50 centimetra.

Inspektimin e saj, zonja Topalli e ka vijuar më tej dhe në fshatrat e prekura nga përmbytjet si Mali i Jushit, Bishti i Jukës, fshati Trush dhe zona të tjera ku po evakuohen shumë familje dhe bagëti.

Në takimin me krerë të komunave Dajç, Bërdicë e Ana e Malit, kryeparlamentarja Topalli është ndalur tek masat për përballimin e kësaj situate dhe evakuimin sa më parë të banorëve.

Jozefina Topalli: “Të gjitha strukturat e shtetit janë për të mbështetur këto shtëpi, që janë të rrethuara nga uji. Me barka, me kamionë, po sillen ushqimet me urgjencë që do magazinohen në ish-shkollën industriale apo shkollën e uzinës së Telit dhe po e ndjek më nga afër.”

Topalli ka falënderuar pushtetin lokal për punën e bërë në përballimin e kësaj emergjence, falë së cilës sikundër tha ajo, janë evakuuar mbi 240 familje nga Velipoja, Bushati, Dajçi, Oboti dhe Ana e Malit, ndërkohë 200 fëmijë romë janë strehuar në një kamping në Rrenzë./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/