ဖြစ်ကြောင်းကုန်စင် အညာတခွင် (၆၀)

Описание: “တို့အညာမှာ အာဏာရှင်အလိုမရှိ”

ဖြစ်ကြောင်းကုန်စင် အညာတခွင် (၆၀)

နိုင်ငံရေး၊ စီးပွါးရေး၊ စစ်ရေးစတဲ့ ဘယ်ကဏ္ဍကမဆို ပြည်သူအပေါင်းကို အင်အားသုံးပြီး ဖိစီးနှိပ်စက် သတ်ဖြတ်နေကြတဲ့ လူတစ်ဦးတစ်ယောက် သို့မဟုတ် အပေါင်းအပါတစ်စုဟာ အာဏာရှင်ပါပဲ။ ခေတ်အဆက်ဆက်က လက်နက်အားကိုးတဲ့ အာဏာရှင်တွေကြီးစိုးခဲ့တာ ဆိုတော့ လက်နက်အားကိုးစိတ်က အရိုးစွဲသလို ဖြစ်နေတာပါ။ တော်လှန်ရေးကာလ အတိုင်းအတာတစ်ခုရှိလာတော့ တော်လှန်ရေးဘက်တော်သားတွေရဲ့ အကောင်းထဲက အဆိုးတွေလည်း ကျွဲကူးရေပါ ပေါ်ထွက်လာတာ မြင်ရ ကြားရ ကြုံနေကြရပါတယ်။ ဒါကြောင့် အကောင်းထဲက အဆိုးတွေကို ဖယ်ထုတ်ရှင်းလင်းဖို့ လိုအပ်ပါတယ်။ ဒီတော်လှန်ရေးထဲမှာ အသားထဲကလောက်တွေ၊ ဖောက်ပြန်သူတွေကိုပါ တစ်ပါတည်းရှင်းထုတ်ထားနိုင်မှ ရည်ရွယ်ရာ ပန်းတိုင်ကို ချောချောမွေ့မွေ့ ရောက်ရှိမှာ ဖြစ်ပါတယ်။

“လက်နက်ကိုင်ပြီး ရမ်းကားတဲ့၊ ပြည်သူအပေါ်ရမ်းကားတဲ့၊ ပြည်သူကို နိုင့်ထက်စီးနင်းလုပ်တဲ့ အမူကျင့်ရှိသူတွေ ပီဒီအက်ဖ်တပ်မတော်ထဲ ခိုအောင်းနေရင် ပြတ်ပြတ်သားသား ဖော်ထုတ်ဖယ်ရှားကြရမှာ ဖြစ်တယ်” ပြည်သူ့အစိုးရ၊ ကာကွယ်ရေးဝန်ကြီး ဦးရီမွန် သတိပေးခဲ့တာ ပြတ်ပြတ်သားသား ပါပဲ။
“ပီဒတ်တွေဟာ ကယ်တင်ရှင်ဖြစ်တယ်၊ ပိုပြီးမွန်မြတ်တယ်ဆိုပြီး ထင်နေတာကို ခေါင်းထဲကထုတ်ဖို့၊ အသက်ရှုကြပ်နေတဲ့စကစကို အသက်ရှုရပ်အောင်လုပ်ဖို့”
ဒို့အညာမှာတော့ အာဏာရှင်အမျိုးမျိုးကို အလိုမရှိပါ။ ဒို့အညာသားတွေအနေနဲ့လည်း ဖက်ဒရယ်ယူနစ်တစ်ခုအဖြစ် တတပ်တအား ညီညွတ်ပါဝင်ကြဖို့ အရေးတကြီး အာရုံစိုက်ကြပါလို့ “ဖြစ်ကြောင်းကုန်စင် အညာတခွင်” ကနေ တိုက်တွန်းထားပါတယ်။

#SpringRevolution
#PVTV
#TheArtOfRevolution
#WhatHappeninginANYAR