නව නිපැයුම් තරගාවලියේ රන් පදක්කම් ලාභියා හිටපු ජනපති හමුවෙයි

Описание: ආණ්ඩුවේ ඇමතිවරු එකිනෙකට පරස්පරදේ ප‍්‍රකාශ කිරීම නිසා ජනතාව අන්දමන්ද වී සිටින බව හිටපු ජනාධිපති මහින්ද රාජපක්ෂ මහතා පවසනවා.

රාජපක්ෂ මහතා මේ අදහස් පළකලේ නෙළුම් පෙදෙස කාර්යාලයේ පැවති හමුවකදී.

බත්තරමුල්ල නෙළුම් පෙදෙසේ පිහිටි හිටපු ජනාධිපතිවරයාගේ කාර්යාලයට ඊයේ සවස නව නිපැයුමක් තුලින් රටට කීර්තියක් ගෙනා සිසුවෙකු පැමිණියා.

ඔහු නමින් තරිඳු හේෂාන් කළුබෝවිලයි.

හෝමාගම මහින්ද රාජපක්ෂ විද්‍යාලයේ ඉගෙනුම ලබන ඔහු පසුගියදා ඉන්දුනීසියාවේ පැවති ජාත්‍යන්තර තරුණ නව නිපැයුම්කරුවන්ගේ තරගාවලියේදී හොඳම නිපැයුමට හිමි රන් පදක්කම දිනා ගත්තා.

ඒ ඔහු නිපදවූ බීමත් රියදුරන් හඳුනා ගැනීමේ නව විද්යුත් උපකරණයටයි.

මේ උපකරණයට බීමත් පුද්ගලයෙකු මුව තබා පිබීමෙන් ඔහුගේ ශරීරගතව ඇති ඇල්කොහොල් ප‍්‍රතිශතයේ මුද්‍රිත පිටපතක් එසැනින් ලැබෙනවා.

මෙහිදී ඉදිරියේදී ආණ්ඩුව ගෙන එන අයවැය ගැනත් මාධ්‍යවේදීන් හිටපු ජනපතිවරයාගෙන් විමසා සිටියා.