Top Channel/ “Shi” dronësh: Sulmohet ambasada e SHBA në Irak, raketa pranë zyrës së Netanyahut!

Описание: Iraku u godit orët e para të mëngjesit të sotëm nga një valë sulmesh, më i ashpri i të cilëve shënjestroi Zonën e Gjelbër të fortifikuar të Bagdadit, ku ndodhen ndërtesat qeveritare dhe ambasadat e huaja. Tre dronë dhe katër raketa sulmuan ambasadën e Shteteve të Bashkuara të këtë kompleks, e sipas një zyrtari të sigurisë, të paktën një dron përfundoi brenda territorit të saj.

Burimi në fjalë e përshkroi këtë “si sulmin më të egër që nga nisja e konfliktit në Iran”.
Më herët, një dron kishte goditur dhe një hotel në Bagdad ku qëndronte personel italian, i cili aktualisht është në siguri dhe nuk u përfshi në shpërthim. Ministri italian i Mbrojtjes, Guido Crosetto, sqaroi se të gjithë ata janë aktualisht duke qëndruar në bunkerë. Pasdaranët kanë goditur po ashtu edhe një bazë ushtarake amerikane në Katar, e pohuar kjo nga vetë Garda Revolucionare Islamike (IRGC), që citohet nga agjencia Fars.

Breshëria e raketave iraniane sakaq nuk ka kursyer as Izraelin: Agjencia e lajmeve Tass raporton se një raketë e regjimit të ajatollahëve ka rënë vetëm pak metra larg zyrës së kryeministrit të shtetit hebre Benjamin Netanyahu në Jerusalem, e thuhet të jetë shënjestruar edhe infrastruktura të mbrojtjes raketore në Izrael. Por as IDF-ja nuk ka qëndruar duarkryq. Forcat izraelite të mbrojtjes kanë ndërmarrë sulme ajrore në tre lagje në jug të Bejrutit këtë mëngjes pohoi al-Jazeera. Ndër lagjet e goditura është edhe Dahiyeh, për të cilën ishte dhënë një urdhër evakuimi për shkak të një kërcënimi të menjëhershëm, dhe ku jeton një pjesë e mbi një milion të zhvendosurve.

Rreth një orë përpara kësaj ishte bombarduar lagjia Aaramoun, për të cilën nuk ishte dhënë urdhër evakuimi. Në këtë zonë u shkatërrua një kat i një ndërtese banimi. Udhëheqësit e Mbretërisë së Bashkuar, Kanadasë, Francës, Gjermanisë dhe Italisë kanë lëshuar një deklaratë të përbashkët, duke theksuar se një ofensivë tokësore e madhe izraelite në Liban do të kishte "pasoja katastrofike humanitare". Ndërkohë, Emiratet e Bashkuara Arabe kanë rihapur hapësirën e tyre ajrore pas një mbylljeje të përkohshme të shkaktuar nga kërcënimet me raketa dhe dronë nga Irani.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Iraq#Bagdad#TopChannelNews