Ata ana boyuna görə uşağın hədəf boyunu hesablamaq olarmı

Описание: Hər bir ata-ananın uşağa verdiyi genetik potensial boyu vardır. Genetik potensial boyunu xüsusi formullarla hesablamaq mümkündür. Bu, oğlan və qız uşaqları üçün fərqlidir. Belə ki, atanın boyu ilə ananın boyunu toplayıb üzərinə 13 gələrək 2-yə böldüyümüz rəqəm oğlan uşaqları üçün təxmini uşağın gələcəkdə hədəf, genetik potensial boyu olacaqdır. Qız uşaqları üçün isə atanın və ananın boyunu toplayaraq 13 çıxdıqdan sonra 2-yə böldüyümüzdə aldığımız rəqəm qız uşağının gələcək hədəf genetik potensial boyu olacaqdır. Təbii ki, bunlar üzərində 7 sm civarında artma və ya azalma ola bilər. Çünki, heç bir insan standart deyil. Bu hədəf boya çatmaq üçün genetik potensialdan başqa, burada ətraf mühit faktorları, qidalanma, qəbul etdiyi dərmanlar və s. də rolu vardır. Nə üçün 13-lə toplayıb və yaxud 13-ü çıxırıq? Çünki türk xalqları üçün kişi və qadının boyu arasındakı fərq 13 sm olaraq qəbul olunub. Belə ki, ortalama ideal kişi boyu 176 sm, ideal qadın boyu 163 sm olaraq qəbul olunaraq arada 13 sm fərqi nəzərə alırıq. Bir də başqa formulla ideal boy və kilo necə olmalıdır? Bunun da xüsusi düsturları vardır. Bunlar təxmini hesablamalar, yəni, təxmini olan bir ehtimaldır. Təbii ki, hər kəs üçün bir standartımız yoxdur. Bu formullara görə ideal boy olaraq yaş vurulmuş 5 üzərinə 80 gələrək aldığımız rəqəm daha çox cinsi yetişkənliyə qədərki yaş dövrlərində olan uşaqlar üçün keçərlidir. Çəki isə yaş vurulmuş 2 üzərinə 8 gələrək, burada da plus-minus 3 kg fərq ola bilər. Uşağın ideal kilosu və boyu haqqında bu formullar təxmini bir fikir demək üçün əsas götürülür.