07 | මීනා - ප්‍රථම සිංහල නව කථාව | ඒ. සයිමන් ද සිල්වා | Meena

Описание: හමුදා සේවයේ පසු වූ ජා-ජාතිකයකු වූ අබ්දුල් නමැත්තකු ලෙන්චිනා නම් කාන්තාවක හා විවාහවීමෙන් පසු එම යුවළට රූමත් දියණියක ලැබේ. ඈ නම මීනා ය. උස්මහත් වූ ‘මීනා’ දියණිය ද කැටුව ගම්පොළට යන එම යුවළ හොර සූදු ව්‍යාපාරයක නිරත ව දිවිපෙවෙත ගතකරද්දී මහලු තැනැත්තියක සේ වෙස්වලා පසුවන රූමත් තරුණ මීනා සූදුවට එන්නන් හට සංග්‍රහ දක්වන්නී ය. මැහැලියක වනුයේ ආගන්තුකයන්ගෙන් ආරක්ෂා වනු පිණිස ය. එහි දී මහා කෝලාහලයක් සිදුවෙයි. එහි තරුණයකු මීනා ඔසවා කැලෑ වදින කල තවකෙකු ද එක්වීමෙන් මුල් තරුණයා ඈ හැරයයි. ඩැනී නමැත්තකුට පෙම්වතියක වන මීනා පසුව ඔහුගෙන් ද වෙන්වී පවුලිස් නමැත්තකු හා විවාහ වේ. මීනා හි කතා සාගරයේ කෙටි වදනකි ඒ. මෙහි කතානායිකාව මීනා ය. ඩැනී හා පවුලිස් ප්‍රේම ත්‍රිකෝණයේ පසුවේ.

දොස්තර හැරී වික්‍රම නමැත්තකු, මහල්ලකු හා සොරමුල මෙහි සෙසු චරිතාංගයෝය. ආර්ය සිංහල කුලකාන්තාවක පිළිබඳ ව වූ චිත්‍රය සිංහල ප්‍රබන්ධ කතාකරුවන් අතර ප්‍රචලිතව පැවැති යුගයකදීය ‘මීනා’ රචනා වූයේ. එවක සමාජ පසුතලය ‘මීනා’ කතාවට සසඳා ඇති අතර එදා පැවැති සංස්කෘතිකමය වෙනස ද ඉන් පිළිබිඹු කරවයි. කතුවරයාගේ වාග් කෝෂය ඉහළ මට්ටමක පවත්නා බැව් ද විද්වතුන් දක්වා තිබේ. මෙම නවකතාව තුළින් ඉස්මතු වන අද්භූත සිද්ධීන් හා ගැහැනු පිරිමි එක්තරා අන්දමකින් සැබෑ ජීවිතයේ දී හමුවීම් වශයෙන් ගොඩනඟා තිබීම ද කිසියම් ප්‍රමාණයකින් දක්වා තිබේ. සෑහීමකට පත්විය හැකි චරිත කිහිපයක් මුල්වරට සිංහල පාඨකයාට මීනා කෘතියෙන් ඉදිරිපත් වී තිබේ. මේ විචාරකයන්ගේ අදහසය.

My Library ලිඛිත අවසරයකින් තොරව මෙහි අඩංගු ශ්‍රවණ කෘති සම්පුර්ණයෙන්ම හෝ කොටසක් හෝ උපුටා ගැනීම, වෙනත් තැනක විකාශනය කිරීම හෝ අලෙවි කිරීම සපුරා තහනම්ය.

#sinhalaaudiobook #nawakatha #ketikatha #srilanka #mylibrary