សម្រាកសៀមរាប

Описание: ទិដ្ឋភាពដ៏អ៊ូអរ និងសប្បាយរីករាយរបស់បងប្អូនប្រជាពលរដ្ឋអញ្ជើញមកទស្សនាកម្សាន្តប្រាសាទបរមពិស្ណុលោក ឬប្រាសាទអង្គរវត្ត/អង្គរតូចនារសៀលថ្ងៃទី ២០ ខែសីហា ឆ្នាំ២០២០។

អង្គរមិនត្រឹមតែទីមនោរម្យនៃភ្ញៀវទេសចរទាំងឡាយទេ អង្គរថែមទាំងជាដូងព្រលឹងនៃជាតិខ្មែរ ហើយជាទេវស្ថានមួយដែលបម្រើឱ្យវិស័យសាសនាតាំងពីដើមរៀងមក។
យើងខ្ញុំសូមអរគុណភ្ញៀវទេសចរទាំងឡាយជាអនេកប្បការ ដែលតែងតែបន្តគាំទ្រលើកស្ទួយវិស័យទេសចរណ៍នៅក្នុងខេត្តសៀមរាប ក៏ដូចជានៅទូទាំងប្រទេសកម្ពុជាឱ្យរស់រវើក និងសកម្មឡើងវិញ។
ខេត្តសៀមរាបនៅតែជាគោលដៅទេសចរណ៍លំដាប់ពិភពលោក ហើយយើងទាំងអស់គ្នានៅតែបន្តស្វាគមន៍ភ្ញៀវជាតិ-អន្តរជាតិនានាជាប់ជានិច្ច។

សូមឱ្យការដំណើរកម្សាន្តរបស់អ្នកប្រកបដោយស្នាមញញឹម និងអនុស្សាវរីយ៍ដ៏គួរឱ្យចងចាំ!
ជួបគ្នាពេលក្រោយនៅលើទឹកដីអច្ឆរិយៈសៀមរាប-អង្គរ!!!

សូមអរគុណ!