Nə biləydik bu sevginin sonu yox - Xəzər Süleymanlı (Nüsrət Kəsəmənli)
Автор: MisraKimi
Загружено: 2024-11-19
Просмотров: 607
Описание:
Nə biləydik bu sevginin sonu yox,
Nə biləydik dünya belə dönəcək.
Nə biləydik sevgi adlı bu qonaq
İkimizin aramızda öləcək..
--------------------------------------
Ulu sevgi göydən yerə endimi,
Nə dayandı yolumuzun üstündə?
Bu məhəbbət soyuduqca sən demə
Can verirmiş qolumuzun üstündə..
--------------------------------------
Hər görüşə sürünürdü ayaqlar
O çəmənlər - bir baharlıq səməni.
Dodaqları yandıranda dodaqlar,
Ürəyimiz üşüyürmüş deməli..
--------------------------------------
Əyləncələr qoymadı ki, göz açaq;
Hər istəyi biz beləcə bitirdik.
Payız gəldi toy bayramla, biz ancaq
Yarpaq-yarpaq günümüzü itirdik..
--------------------------------------
Şirin oldu yalanların zəhəri,
Həqiqəti gizləmişik həmişə.
Sevgililər oyaq açdı səhəri.
Biz axşamı gözləmişik həmişə..
--------------------------------------
Yuxu gördük... gah qorxulu, gah da şən,
Boğdu bizi tərəddüdlər axarı.
Yuxularda əllər gördük birləşən,
Ha yozduqsa, hicran oldu axırı..
--------------------------------------
Nə biləydik bu sevginin sonu yox
Nə biləydik dünya belə dönəcək
Nə biləydik sevgi adlı bu qonaq
Üzümüzə baxa-baxa öləcək..
Повторяем попытку...
Доступные форматы для скачивания:
Скачать видео
-
Информация по загрузке:
