Ելիր Վիգէն - Ներսիկ Ի.

Описание:   / hohita  

«Ես կ'ուզեմ Արարատը, Հայաստանը, կ'ուզեմ ազատ, անկախ ու գեղեցիկ Հայաստանը, կ'ուզեմ տեսնել զայն, համբուրել այն հողը, որուն մէջ կայ Հայ գիւղացին, Հայ զինուորին, Հայ թագաւորին, Հայ յեղափոխականին արիւնն ու քրտինքը: ...Կ'ուզեմ այդ հողէն, կ'ուզեմ որ ան միշտ մնայ գրպանիս մէջ, հոգ չէ թէ ան աղտոտէ հագուստներս, որովհետեւ անոր աղտոտութիւնը պիտի չերեւի, այլ՝ անիկա աւելի պիտի մաքրէ հագուստներս եւ ուղիղ ճամբան ցոյց տայ ինծի»: Վիգէն Զագարեան

Վիգէն Զագարեան
(1969-1992)

Ծնած է Պէյրութ 1969ին Մարտ 15ին: Շրջանաւարտ Համազգայինի «Մելանքթոն» եւ «Հայկ Արսլանեան» ճեմարանէն, 1988 տարեշրջանին: Հետեւած է Հայկազեան համալսարանի առեւտրական ճիւղի կարգ մը դասընթացքներուն: Անդամակցած է Հ.Մ.Ը.Մ.-ին նախ իբրեւ տարազաւոր գայլիկ, ապա սկաուտ, երէց: Աւելի ուշ մասնակցած է Հ.Մ.Ը.Մ.-ի հեծելարշաւի խումբին: Կ'անդամակցի Հ.Յ.Դ. Լիբանանի Երիտասարդաց Միութեան (Լ.Ե.Մ.), որուն շարքերէն ներս կը վարէ պատասխանատու բազմաթիւ պաշտօններ: Իբրեւ մշակութասէր, կը միանայ նաեւ Համազգայինի պարախումբի միաւորին: Սորված է ոսկերչութեան արհեստը, կեանքը ապահովելու համար: 17 Ապրիլ 1992ին կը մեկնի Հայաստան անցնելու համար Արցախ: Կը մասնակցի Շուշիի ազատագրման կռիւներուն, ուր կը նահատակուի Լիսագորի բարձրունքներուն դիմաց 1992 Մայիս 8ին: Կը թաղուի Եռաբլուրի նահատակաց պանթէոնը, Երեւան: