బలివే శివరాత్రి ఏర్పాట్లపై ఎమ్మెల్యే చింతమనేని సమీక్ష | VIIDDURA MEDIA

Описание: దెందులూరు 12.02.2026

"భక్తులకు ఎటువంటి అసౌకర్యం కలగకుండా బలివే ఉత్సవాలకు పటిష్ట చర్యలు చేపట్టండి - ప్రధానంగా ట్రాఫిక్ సమస్యను పార్కింగ్ సమస్యలను పరిష్కరించగలిగితే ఆలయం వద్ద భక్తులకు ఎటువంటి అసౌకర్యం కలగకుండా ఉత్సవాల నిర్వహణకు సాధ్యమవుతుంది": జిల్లా ఎస్పీ కొమ్మి ప్రతాప్ శివ కిషోర్ గారిని కోరిన దెందులూరు ఎమ్మెల్యే శ్రీ చింతమనేని ప్రభాకర్ గారు

రాబోయే మహాశివరాత్రి పర్వదినాన్ని పురస్కరించుకుని బలివే పుణ్యక్షేత్రం వద్ద జరుగుతున్న ఏర్పాట్లను ప్రభుత్వ అధికారులు మరియు కూటమి నాయకులతో కలిసి పరిశీలించిన దెందులూరు ఎమ్మెల్యే శ్రీ చింతమనేని ప్రభాకర్ గారు..

ఈ సందర్భంగా దెందులూరు ఎమ్మెల్యే శ్రీ చింతమనేని ప్రభాకర్ గారు మాట్లాడుతూ దక్షిణ కాశీగా పేరుగాంచిన ప్రముఖ దైవ పుణ్యక్షేత్రం బలివే అని, రానున్న మహాశివరాత్రి పర్వదినాన్ని పురస్కరించుకుని కృష్ణా ఉమ్మడి పశ్చిమగోదావరి జిల్లాల నుంచే కాకుండా ఇతర జిల్లాల నుంచి తెలంగాణ ప్రాంతం నుంచి కూడా భక్తులు స్వామివారి దర్శనానికి రానున్న నేపథ్యంలో శివరాత్రి ఉత్సవాలను ఎటువంటి ఆటంకం లేకుండా ఘనంగా నిర్వహించేలా అన్ని విభాగాల అధికారులు పూర్తి సమన్వయంతో పనిచేయాలని, గతంలో జరిగిన పొరపాట్లను సమీక్షించుకొని వాటిని పునరావృతం కాకుండా ఆయా శాఖల అధికారులు ముందస్తుగా చర్యలు చేపట్టాలని సూచించారు. శివరాత్రి బందోబస్తు నిమిత్తం అదనపు బలగాలను కూడా కేటాయించాలని ఇటీవల ఏలూరు రేంజ్ ఐజి అశోక్ కుమార్ గారిని కూడా కోరడం జరిగిందని అదేవిధంగా బలివే పుణ్యక్షేత్రం వద్ద బందోబస్తును పటిష్టంగా అమలు చేసేలా చర్యలు చేపట్టాలని ఎస్పీ కొమ్మి ప్రతాప్ శివ కిషోర్ గారిని కూడా కోరడం జరిగిందని తెలిపారు.. ప్రభుత్వ అధికారుల నుంచి సిబ్బంది వరకు , అలాగే వాలంటీర్లు సహా ప్రతి ఒక్కరూ కూడా తమ గుర్తింపు కార్డులను సుస్పష్టంగా ధరించడం ద్వారా ప్రజలకు మెరుగైన సేవలు అందించడానికి దోహదపడుతుందని, పార్కింగ్ కేటాయింపుల విషయంలో భక్తులకు త్రాగునీరు, ప్రసాదాల పంపిణీ అంశంలో అదేవిధంగా పారిశుద్ధ్య నిర్వహణ అంశంలో, ఎక్కడా కూడా రద్దీ ఏర్పడకుండా ఉత్సవాలు నిర్వహించే అంశంలో ఈ విధంగా ప్రతి అంశంలో ముందస్తుగా ప్రణాళిక ప్రకారం చర్యలు చేపట్టాలని ఈ సందర్భంగా ఎమ్మెల్యే చింతమనేని ప్రభాకర్ గారు వివిధ శాఖల అధికారులు సిబ్బందికి సూచించారు...

ఈ కార్యక్రమంలో ఏలూరు జిల్లా జాయింట్ కలెక్టర్ అభిషేక్ గౌడ, ఏలూరు జిల్లా ఎస్పీ కొమ్మి ప్రతాప్ శివ కిషోర్, పెదవేగి ఎమ్మార్వో శ్రీమతి భ్రమరాంబ, పెదవేగి మండల పార్టీ అధ్యక్షులు ఈడుపుగంటి అనిల్ సహా వివిధ శాఖల అధికారులు, సిబ్బంది కూటమి నాయకులు పాల్గొన్నారు