【ရုပ်သံသတင်း】 မြွေနှစ်စတင်ရာဝယ် ခမ်းညားမှုများအတူရေးဆွဲ

Описание: 【ရုပ်သံသတင်း】 မြွေနှစ်စတင်ရာဝယ် ခမ်းညားမှုများအတူရေးဆွဲ

ဒီနေ့ (ဇန်နဝါရီလ ၂၈ ရက်နေ့) ဟာ တရုတ်ပြက္ခဒိန်အရ နှစ်သစ်ကူးမတိုင်မီ ရှေ့တစ်ရက်ဖြစ်ပါတယ်။ တရုတ်လူမျိုးတို့ရဲ့ အရေးအကြီးဆုံး အစဉ်အလာပွဲတော်ဖြစ်တဲ့ တရုတ်နှစ်သစ်ကူးပွဲတော်ကို လူသားမျိုးနွယ် ဒြပ်မဲ့ယဉ်ကျေးမှုအမွေအနှစ်စာရင်းမှာ ထည့်သွင်းခဲ့ပြီးဖြစ်ပါတယ်။ နှစ်သစ်ကူးမတိုင်မီ ရှေ့တစ်ရက် အကြိုညမှာ တစ်မိသားစုလုံး အတူညလယ်စာ စားကြတာဟာ အစဉ်အလာဓလေ့တစ်ခုဖြစ်ပါတယ်။ တရုတ်နိုင်ငံရဲ့ အမျိုးသားရုပ်မြင်သံကြားဌာနက တင်ဆက်တဲ့ “တရုတ်နှစ်သစ်ကူးညချမ်းပဒေသာဖျော်ဖြေပွဲ” ကတော့ နှစ်သစ်ကူး ရှေ့တစ်ရက် ညလယ်စာအတွက် အဖော်မွန်ကောင်းပဲဖြစ်ပါတယ်။

နှစ်သစ်ကူး ရှေ့တစ်ရက် အကြိုညမှာ “တရုတ်နှစ်သစ်ကူးညချမ်းပဒေသာဖျော်ဖြေပွဲ” ကြည့်တာဟာ တရုတ်နှစ်သစ်ကူးပွဲတော်ရဲ့ ဓလေ့ထုံးစံအသစ်တစ်ခု ဖြစ်နေပြီလို့ ဆိုနိုင်ပါတယ်။

တရုတ်ပြက္ခဒိန်အရ အကောင်လေးများနဲ့ နှစ်ကိုသတ်မှတ်မယ်ဆို ၂၀၂၅ ခုနှစ်ဟာ မြွေနှစ်ဖြစ်ပါတယ်။ ဒါကြောင့် ယခုနှစ် “တရုတ်နှစ်သစ်ကူးညချမ်းပဒေသာဖျော်ဖြေပွဲ” ရဲ့ အဓိကအမှတ်သင်္ကေတဟာ ကပြဖျော်ဖြေနေတဲ့ ရွှေမြွေလေးနှစ်ကောင်ကို ပေါင်းစပ်ထားပြီး မင်္ဂလာအပေါင်းနဲ့ ပြည့်စုံပြီး လိုအပ်ဆန္ဒပြည့်မှုဆိုတဲ့ အနက်အဓိပ္ပာယ်ရှိကာ အဆက် မပြတ်တိုးတက်နေတဲ့ ခေတ်ရဲ့အင်အားကို ပေါ်လွင်စေပါတယ်။ ဒီလိုသာယာကောင်းမွန်ပြီး မိသားစုတွေဆုံစည်းကြတဲ့ ပွဲတော်အခါသမယမှာ တရုတ်နိုင်ငံမှ တရုတ်နှစ်သစ်ကူးပွဲတော် အတွက် ဆုမွန်ကောင်းတောင်းပေးလိုက်ပါရစေ။

မိသားစုဝင်များအားလုံး ပျော်ရွှင်မှုတွေနဲ့ ဘဝကို တည်ဆောက်သွားနိုင်ကြပါစေ။

လူကြီး၊ လူငယ် အားလုံး ပြုံးပျော် ရွှင်လန်းနိုင်ကြပါစေ။


Opinion Leaders Media Website --- http://opinionleadersmedia.com/
Opinion Leaders Media Facebook Page --- / opinionleadersmm
Opinion Leaders Telegram Channel --- https://t.me/opinionleadersmm

#Opinionleadersmedia #Internationalnews