စစ်ကောင်စီရဟတ်ယာဉ်ပစ်ချမှု တပ်မမှူးဗိုလ်မှူးချုပ်အေးမင်းနောင်၊ ဗိုလ်မှူး ၃ဦး၊ဗိုလ်ကြီး၁ဦး သေဆုံး

Описание: ဂျူချန်း၊ ရွှေနွယ် (မဇ္ဈိမ) ။ ။ ကရင်ပြည်နယ်၊ မြဝတီမြို့၊ သင်္ကန်းညီနောင်တွင် စစ်ကောင်စီ၏ရဟတ်ယာဉ်တစီးအား ပစ်ချနိုင်ခဲ့သည့် ဖြစ်စဉ်၌ ဗိုလ်မှူးချုပ်အေးမင်းနောင်အပါအဝင် ဗိုလ်မှူးသုံးဦး၊ဗိုလ်ကြီးတဦးအပါအဝင် ငါးဦးသေဆုံးပြီးတဦး ဒဏ်ရာရကြောင်း ကရင်အမျိုးသားအစည်းအရုံး(KNU)က ယနေ့ ဇန်နဝါရီ ၂၉ ရက်ညတွင် ထုတ်ပြန်သည်။

သင်္ကန်းညီနောင်အခြေစိုက် ခမရ (၃၅၆) တပ်ရင်းသို့ တာဝန်ချိန်းပြောင်းရန်လာသည့် စစ်‌ကောင်စီ၏ ရဟတ်ယာဉ်နှစ်စီးအား KNLA နှင့်ပူးပေါင်းတပ်ဖွဲ့က ဝိုင်းဝန်းပိတ်ဆို့ တိုက်ခိုက်ခဲ့ရာ တစီးအား ပစ်ချနိုင်ခဲ့ခြင်းဟု ဆိုသည်။

ရဟတ်ယာဉ်အား ပစ်ချခဲ့သည့် ရုပ်သံမှတ်တမ်းကို KNUနှင့် Cobra Column တပ်ခွဲ (၄)က ထုတ်ပြန်ထားသည်။

" ဟက်စကီးလာတဲ့အချိန်မှာ ကျွန်တော်တို့က ပွိုင့်ဖိုက်နဲ့လည်းပစ်တယ်။ စနိုက်ပါနဲ့လည်းပစ်တယ်။ လက်နက်ကြီးအဖွဲ့ကနေလည်း လက်နက်ကြီးနဲ့လဲထုတယ်။ ဒရုန်းအဖွဲ့ကလည်း ဒရုန်းကြဲတယ်ဗျာ။ဟက်စကီး ဆင်းမယ့်နေရာမှာကြိုပြီးလုပ်ထားတာဗျာ။ ဘယ်ဟာနဲ့ထိသွားလဲတော့အတိအကျပြောလို့မရဘူး" ဟု Cobra Column တပ်ခွဲ (၄) မှ တပ်ဖွဲ့ဝင်တဦးက ပြောသည်။

ရဟတ်ယာဉ်ပေါ်တွင်ပါသည့် တပ်မ(၄၄)တပ်မမှူး ဗိုလ်မှူးချုပ်အေးမင်းနောင်၊ ခမရ(၉) တပ်ရင်းမှူး ဗိုလ်မှူး စိုးလွင်ထွန်း၊ ရဟတ်ယာဉ်မှူး ဗိုလ်မှူး တိုးဦးနှင့် ဗိုလ်ကြီးအဆင့်ရှိသူနှစ်ဦးသေဆုံးပြီးတဦး ပြင်းထန်ဒဏ်ရာရရှိကြောင်း စုံစမ်းသိရှိရသည်။ သေဆုံးသူများ၏အမည်နှင့် ရာထူးအတိအကျကို မဇ္ဈိမအနေဖြင့် အတည်ပြုချက် ရယူနေဆဲဖြစ်သည်။

ပစ်ချခံရသည့် ရဟတ်ယာဉ်တွင် စစ်ကောင်စီအရာရှိများ ပါရှိကြောင်း စစ်ကောင်စီလော်တယ်လီဂရမ်ချန်နယ်အချို့၌ ဖော်ပြထားသည်။ စစ်ကောင်စီက တရားဝင်သတင်းထုတ်ပြန်ခြင်း မရှိသေးပေ။

ရဟတ်ယာဉ်သည် ယနေ့ မွန်းလွဲ ၃ နာရီ ၄၅ မိနစ်ခန့်က ခမရ(၃၅၆) တပ်ရင်းဌာနချုပ်သို့ ဆင်းသက်စဥ် ကော်ဘရာစစ်ကြောင်းက စက်သေနတ်ဖြင့် ကြိုတင်စောင့်ဆိုင်းပစ်ခတ်ခြင်းဖြစ်ကြောင်း စစ်ကောင်စီလက်အောက်ခံ တယ်လီဂရမ်ချန်နယ်များ၌ ရေးသားဖော်ပြနေကြသည်။စစ်ကောင်စီတပ်ဖွဲ့ဝင်သုံးဦးနှင့် အရပ်ဝတ်နှစ်ဦးထိခိုက်သည်ဟု ရေးသားထားသည်။
ထို့အပြင် ရဟတ်ယာဥ်လာရောက်မည့် ခရီးစဥ် သတင်းပေါက်ကြားမှု ရှိနိုင်ကြောင်းနှင့် ပစ်ချခံရမှုကြောင့်ရဟတ်ယာဥ်မှာ နှစ်ပိုင်းကျိုးသွားသည်ဟုဖော်ပြထားသည်။

စစ်တက္ကသိုလ်အပတ်စဉ်(၄၁)ကျောင်းဆင်းဖြစ်သူဗိုလ်မှူးချုပ်အေးမင်းနောင်ကို ပြီးခဲ့သည့် ဒီဇင်ဘာလယ်တွင် တပ်မ(၄၄)တပ်မမှူးအဖြစ် စစ်ကောင်စီက တာဝန်ပေးအပ်ခဲ့ခြင်းဖြစ်သည်။

ယနေ့ပစ်ချခံရသည့် ရဟတ်ယာဉ်သည် ပြင်သစ်နိုင်ငံထုတ် Eurocopter AS 365 Dauphin အမျိုးအစားဘက်စုံသုံးရဟတ်ယာဥ်ဖြစ်ကြောင်း သိရသည်။ နေပြည်တော်၌ ၂၀၂၁ ဒီဇင်ဘာလ ၁၆ရက်က စစ်ကောင်စီပြုလုပ်ခဲ့သည့် (၇၄) နှစ်မြောက် တပ်မတော်လေနေ့တွင် တပ်တော်ဝင်ခဲ့သည့်ရဟတ်ယာဉ်ဖြစ်ကြောင်း စစ်ရေးသတင်းရင်းမြစ်အချို့ကပြောသည်။


စာတည်း - အေးချမ်း

#စစ်ကောင်စီရဟတ်ယာဉ်
#ပစ်ချ
#ဗိုလ်မှူးချုပ်အေးမင်းနောင်
#Cobra Column

ရုပ်သံအညွှန်း − စစ်ကောင်စီရဟတ်ယာဉ်ကို ကော်ဘရာ တပ်ဖွဲ့ဝင်များပစ်ချနေသည့် မြင်ကွင်း၊ ရုပ်သံ − Cobra Column- တပ်ခွဲ ၄

-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

Subscribe our channel:
   / @mizzimanewstv  

Follow us:
Facebook | Myanmar Language
  / mizzimadaily  
Facebook | English language
  / mizzimamyanmarnews  
Facebook | Mizzima+TV
  / mizzimaplustv  
Twitter
  / mizzimanews  
Telegram
https://t.me/mizzimatv
Sportify
https://open.spotify.com/show/0JqldUl...

Get Mizzima TV App Free
http://bit.ly/44WaGEU

Website :
https://www.mizzima.com
https://www.mizzimaburmese.com
https://www.mizzima.tv
.....................

About us:
Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.