DƏSTƏMAZDA AYAQLAR YUYULSUN, YOXSA MƏSH EDİLSİN?

Описание: Əhli-sünnədən olan qardaşlarımız bir sıra rəvayətlərdən çıxış edərək iddia edirlər ki, dəstəmaz aldıqda ayaqları yumaq lazımdır.
Halbuki Quranın "əl-Maidə" surəsinin 6-cı ayəsində buyurulur:
يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ
فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ
وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ
"EY İMAN GƏTİRƏNLƏR! NAMAZA DURDUĞUNUZ ZAMAN
YUYUN ÜZÜNÜZÜ VƏ ƏLLƏRİNİZİ DİRSƏKLƏRİNİZƏ QƏDƏR,
MƏSH EDİN BAŞINIZI VƏ AYAQLARINIZI HƏR İKİ TOPUĞA QƏDƏR.
Videoda ayənin tərcüməsilə bağlı qrammatik izahı verilir və qeyd edilir ki, əhli-sünnə hədis mənbələrində ayədə göstəriləndən fərqli dəstəmaz qaydası açıqlanmaqdadır. Həmin rəvayətlərə görə, üz və dirsəyədək əllər yuyulur, başa, boyuna, qulaqlara məsh edilir, ayaqlar da yuyulur.
Lakin açıq-aydın şəkildə görürük ki, sözügedən hədislər Quran ayəsilə uzlaşmır - Quranda bir cür, hədislərdə isə başqa cür dəstəmaz qaydası açıqlanır.
Bələ olduğu halda müsəlmanın vəzifəsi nədir? Qurandakı kimi dəstəmaz almaq, yoxsa rəvayətlərdəki kimi?
Quran və əhli-beyt məktəbinə görə, məhz Quranda buyurulan qaydada dəstəmaz alınmalıdır: üz və əllər dirsəyədək yuyulmalı, baş və ayaqlar topuqlaradək məhs edilməlidir...