Ulu Öndər Heydər Əliyevin 102-ci ildönümünə həsr olunan idman festivalı.

Описание: 📣Ulu Öndər Heydər Əliyevin 102-ci ildönümünə həsr olunan idman festivalı.

🏫M.Rahim adına 7 nömrəli tam orta məktəbdə Ümummilli Lider Heydər Əliyevin 102-ci ildönümü münasibətilə idman festivalı təşkil olunub.

✅Festivalda Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktor müavini, Bakı Şəhəri üzrə Təhsil İdarəsinin (BŞTİ) müdiri vəzifəsini müvəqqəti icra edən Nərminə Hüseynova, Milli Olimpiya Komitəsinin (MOK) vitse-prezidentləri Çingiz Hüseynzadə və Fərid Mansurov, MOK-un baş katibi Azər Əliyev, Səbail Rayon İcra Hakimiyyəti başçısının müavini Kəmalə Həşimova, Yeni Azərbaycan Partiyası Səbail Rayon Təşkilatının sədri Muxtar Nağıyev, Azərbaycan Təhsil İşçiləri Azad Həmkarlar İttifaqı Səbail Rayon Komitəsinin sədri Leyla Baxşıyeva iştirak edib.

Festival məktəbin hazırladığı stendlərə baxışla başlayıb, ardından Azərbaycan Respublikasının himni səsləndirilib. 🇦🇿 Rəsmi qonaqlar tədbirin proqramını izləyiblər. Çıxış edən Nərminə Hüseynova Ulu Öndər Heydər Əliyevin idman siyasətinin Prezident İlham Əliyev tərəfindən uğurla davam etdirildiyini, məktəblərdə idman infrastrukturunun ilbəil yaxşılaşdığını və uğurlu məktəblilərin sayının artdığını vurğulayıb. Məktəbin direktoru Könül Təhməzova da ölkəmizdə idmanın inkişafına göstərilən diqqətdən danışıb.

📌Tədbir Azərbaycanın milli rəqsləri, Olimpiya məşəlinin gətirilməsi və məktəb şagirdlərinin çıxışları ilə davam edib. 🤺🤼‍♂️⛹🏻‍♀️Tədbir məktəbin şagirdi Musa Muradın musiqili ifası ilə başa çatıb.🎤