ဝက်ခြေထောက် တုန်ယမ်းချဉ်ငန်စပ်ဟင်းရည် လုပ်သောက်မယ်

Описание: တုန်ယမ်းအရသာ ချဉ်ချဉ်စပ်စပ်ဟင်းရည်လေးနဲ့ ဝက်ခြေထောက်အိအိလေးက လည်း မအီစေဘဲ လိုက်ဖက်မှုရှိပါတယ်။ ဟင်းချက်အနှစ်ခဲကို မသုံးဘဲ သဘာဝ ဟင်းခတ်အမွှေးအကြိုင်တွေနဲ့ပဲ ချက်ထားပါတယ်ခင်ဗျာ။

ဝက်ခြေထောက် တုန်ယမ်းချဉ်ငန်စပ်ဟင်းရည် ဗီဒီယိုကို ကြည့်ရှုရန်

ဟင်းခတ်အမွှေးအကြိုက်တွေ အနေနဲ့
ပဒဲကော - တဆစ်
စပါးလင် - ၂ ချောင်း
ကြက်သွန်နီ - ၃ လုံး
ငရုတ်သီးစိမ်း - စားနိုင်သလောက်
နံနံပင် - အနည်းငယ်
ရှမ်းနံနံပင် - အနည်းငယ်
သံပရာသီး - ၃ လုံး
တောရှောက်ရွက် - အနည်းငယ်
တို့လိုအပ်ပါတယ်။ အသီးအရွက်တွေကို တကိုက်စာအရွယ်လေးတွေ လှီးဖြတ်ထား‌ပေးပါ။

မန်ကျည်းသီး ရေဆေးပြီး ရေစိမ်ထားပေးပါ။
ရေသေချာဆေးထားတဲ့ ဝက်ခြေထောက်တွေကို ရေနွေးဆူဆူထဲထည့်ပြီး ၃ မိနစ် လောက်ပြုတ်ပြီးပြန်ဆယ်ထားပေးပါ။
ဟင်းရည်ထဲထည့်ဖို့ ငရုတ်သီးခြောက် ၁၀ တောင့်လောက်ကို ဆီပူပူနဲ့ ကြော်ပေးပါ။ မတူးစေဖို့အတွက် မီးအားနည်းနည်းနဲ့သာကြော်ပေးပါ။ ကြော်ပြီးရင် ဆယ်ထား‌ပေးလိုက်ပါ။

တရေပြုတ်ထားတဲ့ ဝက်ခြေထောက်တွေကို ဒယ်အိုးထဲပြန်ထည့်ပါ။ ပြီးရင် ရေကို အသားမြုပ်ရုံထည့်ပေးပါတယ်။
ပြီးရင် စပါးလင်၊ ပဒဲကော။ ကြက်သွန်နီ ထည့်တယ်။
ဆား ထည့်ပြီး မီးအေးအေးနဲ့ ၄၅ မိနစ် သို့ ၁ နာရီလောက်တည်ထားပါ။
အသားတွေနူးအိလာပြီဆိုမှ မန်ကျည်းရည်ထည့်မယ်။ တပွက် ၂ ပွက် ဆူပြီးသွားရင် ဟင်းအိုးချခါနီးမှ
ငရုတ်သီးစိမ်း။တောရှောက်ရွက်။ နံနံပင်။ ရှမ်းနံနံ။
အရသာအတွက်
သကြား - အနည်းငယ်
ငါးငံပြာရည် - စားပွဲတင်ဇွန်း ၃ ဇွန်း ထည့်ပါ။
ငရုတ်သီးခြောက်တွေထည့်ပါ။
ဒယ်အိုးကို မီးပိတ်ပြီးမှ သံပရာသီးကို မိမိစိတ်ကြိုက်ညှစ်ထည့်ပါ။ ဒါဆိုရင်တော့ ရှူးရှူးရှဲရှဲသောက်ကောင်းတဲ့
ဝက်ခြေထောက် တုန်ယမ်းချဉ်ငန်စပ်ဟင်းရည် ကို သုံးဆောင်နိုင်ပြီဖြစ်ပါတယ်ခင်ဗျာ။
သူငယ်ချင်းအားလုံးကျန်းမာပျော်ရွှင်ကြပါစေ။

Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။