Ի՞նչ հիմնավորմամբ են տարկետման համար կառավարությանը ներկայացրել ֆուտբոլիստ Էդուարդ Թաթոյանին

Описание: ֆուտբոլիստ Էդուարդ Թաթոյանին պարտադիր զինվորական ծառայությունից ազատելու որոշման նախագիծը Կառավարությունը դրել է հասարակական քննարկման: Որպես հիմնավորում՝ նշված է, որ Թաթոյանը հանդես է գալիս ֆուտբոլի Հայաստանի ազգային հավաքականում, աչքի է ընկնում արդյունավետ խաղով, և կարևորվում է նրա մասնակցությունը Եվրոպայի առաջնությանն ու ընտրական խաղերին։ Իրականում նա Ռուսաստանի քաղաքացի է, սակայն ֆուտբոլի ֆեդերացիայի միջնորդությամբ նրան տրվել է Հայաստանի քաղաքացիություն և նա մեկ անգամ հրավիրել է երիտասարդական հավաքական, մինչև այդ էլ խաղացել է Փյունիկի կազմում: Հանդես գալով մինչև 21 տարեկանների թիմում, նա ավտոմատ համարվել է ազգային հավաքականի թեկնածու և այդ ժամանակ ֆուտբոլի ֆեդերացիան պաշտպանության նախարարությանը տարկետման միջնորդություն է ներկայացրել:

Ժամանակին լինելով Հայաստանի հավաքականներից որևէ մեկի թեկնածու,այս ֆուտբոլիստը ստացել է տարկետման իրավունք: Քանի որ նա ունի երկքաղաքացիություն, և բնակվում է արտասահմանում, ֆեդերացիան այսպիսի ֆուտբոլիստների դեպքում, երբ լրանում է նրա տարկետման ժամկետը, ֆեդերացիան հետ չի կանչում իր միջնորդությունը: Ֆեդերացիան կրկին միջնորդում է, որ այսպիսի ֆուտբոլիստների տարկետումը երկարաձգվի: Այս նախագծի վերաբերյալ մամուլում աղմուկը բարձրացել է նախագծի հիմնավորման ձևակերպման պատճառով: Իբր՝ Թաթոյանը ազգային հավաքականի ֆուտբոլիստ է, մինչդեռ՝ նա երբեք չի եղել ազգային հավաքականի խաղացող և նույնիսկ մեկ անգամ չի հրավիրվել երկրի գլխավոր ֆուտբոլային թիմ: «Քաղաքացուն բացառիկ դեպքերում պարտադիր զինվորական ծառայությունից ազատելու կարգը սահմանելու մասին» օրենքով՝ Թաթոյանը ստացել է տարկետում, բայց շուտով կլրանա նրա 27-ը:

Մինչև Հայաստանի քաղաքացիություն ստանալը նա կարիերան արել է Ռուսաստանում, հիմա՝ Էդուարդ Թաթոյանը հանդես չի գալիս ոչ երիտասարդական հավաքականում, ոչ էլ հայկական ֆուտբոլում: Ֆուտբոլիստին զինծառայությունից ազատելու նախագիծը հասարակական քննարկման մեջ է, որոշումը կկայացվի նոյեմբերի 13-ին, կառավարության նիստում: