DD News Mizoram Chanchinthar | 13 February 2026 | 6:30 PM

Описание: Mizoram chhung leh ram hrang hrang a thil thleng te :

6:30 PM LOCAL

1. Chief Minister Pu Lalduhoma hovin Chief Minister Conference Hall-ah vawiin khan Ministry of Road Transport & Highways hnuaia Mizorama hnathawh mekte enhona- review meeting neih a ni.

2. Cooperation Minister Pu PC Vanlalruata chuan Zawlnuam, Mamit a sangha tin siamna chu Mizoram tana mel-lung thar leh ro tling a ni tih vawiina he hmun a hawnna-ah a sawi.

3. Health Minister Pi Lalrinpuii chuan Mizoram-ah mahni kawppuite laka rinawm lo an tam chu pawi a tih thu leh kan rinna nen pawh a inhmeh loh thu a sawi vawiina International Condom Day puala inkhawm khuallian nia a hmanpuina-ah a sawi.

4. Art & Culture Minister Pu C. Lalsawivunga leh Sports Minister Pu Lalnghinglova Hmar-te chuan vawiin khan an pisa-ah tun hnaia MPSC Combined Competitive Exam result chhuaka an bial atanga MCS, MPS leh MIS tling tharte lawmpuina hun an hmang.

5. Kolasib District, Agriculture Department huaihawtin Bilkhawthlir Chemphai-ah vawiin khan Hawite Kut leh Pomotion of Oilseeds & Pulses Cultivation hawnna hun hman a ni.

6. NABARD leh Mizoram Cooperative Apex Bank Ltd. buatsaihin Circuit House, Champhai-ah Board of Directors, MPACS -te tan Capacity Building hun hman a ni.

7. Mizoram sawrkar hnuaia hnathawkte pisa kai hun chu February ni 16, 2026 atanga October ni 2, 2026 thleng tih danglam a ni.

6:30 PM National

1. President Droupadi Murmu chuan ram changkang ni tur chuan mi hrisel, lehkha thiam leh mawhphurhna hria khua leh tui nih a pawimawh thu a sawi.

2. Prime Minister Narendra Modi an tawhsual tawkten damdawi inah pawisa chawi ngai lova an inenkawl theihna tur, PM RAHAT Scheme a pawm.

3. Parliament-a House pahnih thutkhawm chu thla thar March ni 9-a chhunzawm leh turin vawiin khan tihtawp lailawk a ni.

4. Union Health Minister J. P. Nadda chuan ram chhungah codeine atanga siam khuh damdawi ei avanga thi chhinchhiah an awm loh thu a sawi.

5. Union Science and Technology Minister Dr Jitendra Singh chuan ram chhung bioeconomy chu kum 10 kalta chhungin US Dollar tld 8-a a than thu a sawi.

6. Union Agriculture and Farmers’ Welfare Minister Shivraj Singh Chouhan chuan ram chhung loneitute thlai leh thil dang tharchhuah him zawka dahthatna tur sorkarin Agriculture Infrastructure Fund a siam thu a sawi.

7. Vawiin World Radio Day vawi 80-na pualin khawvel hmun hrang hrangah hun hman a ni.

8. Lok Sabha Speaker Om Birla chuan zalenna sualtu zing ami Sarojini Naidu piancham pualin New Delhi-a a thlanah zahna pangpar a dah.

9. Indian Foreign Officer Puneet Agrawal chu Kingdom of Thailand-a India tana palai hna thawk tura ruat a ni.

10. National Biodiversity Authority (NBA) chuan ni 45 kalta chhungin Access and Benefit-Sharing (ABS) kalphung hnuaiah cheng vbc 2 nuai 4 chuang a la lut.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram