Давоми панду ҳикмат аз порчаи қисмати 6- уми маснавӣ “ Чашмаи ташна”и Мавҷигули Зардодхон

Описание: Давоми
Панду ҳикмат аз порчаи 6-уми маснавӣ “Чашмаи ташна” -и Мавҷигули Зардодхон
“Резаҳои борони ашк”
***
Сиёсат маьноҳои ва мафҳумҳои гуногун дорад. Аз фарзонагӣ девро пеши пари овардан мумкин.
****
Камро ба чашми кам мабин. Мисоле аз сад мисол; Гурондани мурдаро аз зоғ ёд гирифтем. Шояд аз кабутар ҳам чизе ёд хоҳем гирифт ва онро шояд азизтар он медорем, ки имрӯз ба ӯ муҳаббат дорем.
******
Мусулмононе, ки аз бими теғу табар мусулмон шудаанд,дар
чаҳорчубаи шахшудаи фаҳми хеш бо ҳам буғзу кин меварзанд.
Имонро бо илм бедор кардан зарур, бо илм имо дорад Ҳазрате.
***
Аз фишоре шикасти зан ҳатмист, вале нашикастам.
Нашикастам аз он, ки тасаллои диле буд, ки маро мард душман асту мардона дардро паси сар кунам.
***
Ҳар чи гуфтам акси дарди дилам буд, на асли он,ки вуҷуди маро рахна кардааст.
***
Маснавиро чи ном мегузорӣ? - пурсид яке. Ҷавоб додам,ки
«Қадаме ба сӯи хеш».
Ин як дуруғу хақиқат буд, ки аз он гуноҳе набардоштам.
***
Туро гоҳо дар хоб мебинаму ҳафтахо хушҳол мегардам, зеро, ки туро зинда мебинам.
***
Гуфтанд дар хаққи ту бадгуён сухани бисёре бофтанд. Гуфтам
ҳамеша дуое мекунам: Душманонам зинда бошед, дустонам зиндатар! Фалсафаю мантиқро аз шумо омӯхтам, одамозор аз байни шумо кадоме аст.
******
Як дӯстам номи харашро гирифту их гуфт. Гуфтам бори аввал мешунавам, ки ба хар ном мегузоранд. Хандиду гуфт: Кам аҳамият додӣ, вагарна чунон зиёд аст ки...
******
Худоё туро намебинам ва гумон мекунам, ки Ту маро
намешунавӣ. Агар боре Туро медидам чӣ қадар арзҳо мекардам.
Агар малоика мебудам, равиши зиндагиро аз нави нав
месохтам, ё вуҷудҳои носолимро бо қудратам таҳрир мекардам.

******
Худоё, агар маро малоика меофаридӣ аз сафои дилам
дилҳоро оро медодам. Чун хокиям сухане, ки аз дили шикастаам бармеояд, асаре надорад.
Маро гуфтанд аз кадом мазхабӣ ? Гуфтам аз мазҳаби ДИЛ.
Ҳайрон нигаристанду боз суол карданд: аз кадом тариқа гуфтӣ ?
Гуфтам аз тариуаи АҚЛ. Гуфтанд масхара мекунӣ ?! Гуфтам на!
Ба мазоҳибҳо инсонҳо ном монданд вале хости Худои мутаьол ва асли мақсадаш бо ақлу дониш Рӯҳ парваридан аст. Рӯҳро бо тозиву туркиву точикӣ чӣ кор. Ба ҳам нигаристанду пас ба ман.
***

Дар домани худ ду тифли нозанинро парваридам.Домани
покам ҷонамози ману онҳост.
******

Раҳм нест, зеро фаҳм нест. Фаҳми ҳақиқи нест, зеро раҳму
шафқате ба худ надорем. Худоё ҳар дуро ба ҳам биёр...

#шеър #адабиёти_тоҷик #мавҷигул #маснави_маънавӣ#video lyrics #қироат#poem #poetry ##