​ធ្ងន់.កហើយ​ នាយចឺម កាឡៃទំនុកច្រៀងរបស់កវី គង្គ ប៊ុនឈឿន ក្រសួង​កំពុងចាត់ការតាមច្បាប់-TVFB Online

Описание: យោងតាមគណនីហ្វេសប៊ុកឈ្មោះ “គង្គ ប៊ុនឈឿន Kong Bunchhoeun” បានបង្ហោះសារនៅលើផេក និយាយអំពីការចុះផ្សាយថា ក្រុមគ្រួសាររបស់កវី លោក គង្គ ប៊ុនឈឿន កំពុងទៅប្ដឹងនាយចឹម និងប្រតិកម្មផ្សេងៗដែលយកនាយចឺមជាគោលដៅ ក្នុងនោះបានបញ្ជាក់ថា ការប្តឹងនេះមិនមែនសំដៅលើនាយចឹម ទាំងស្រុងទេ ហើយភរិយាលោក គង្គ ប៊ុនឈឿន មកដោះស្រាយបញ្ហាជាមួយនឹងរឿងកម្មសិទ្ធបញ្ញានេះ ជាមួយផលិតកម្មសាន់ដេ ក៏ដូចជាផលិតកម្មផ្សេងៗដែលកន្លងមកតែងតែបានលួចយកស្នាដៃរបស់លោកគង្គ ប៊ុនឈឿន ទុកជាគំរូ.. កុំឱ្យចេះតែមានអ្នកលួចបន្លំយកស្នាដៃ មិនថាតែជាស្នាដៃរបស់កវី គង្គ ប៊ុនឈឿន ឬក៏ជាស្នាដៃអ្នកនិពន្ធក្នុងផលិតកម្មផ្សេងៗទៀតត្រូវបានទទួលនូវសិទ្ធិបញ្ញាយ៉ាងពិតប្រាកដ ។ ល។ ហើយការប្តឹង និងការនិយាយពេលនេះ មិនមែនបុគ្គលម្នាក់ទេ គឺនិយាយចំពោះបុគ្គលទូទៅ ដែលតែងតែបានផលចំណេញពីញើសឈាមអ្នកដទៃ.. ។

ទន្ទឹមនឹងបង្ហោះសារនេះផងដែរ លោកក៏បានបង្ហោះសារអមជាមួយរូបភាព ពីការខមិន នូវពាក្យអសុរសរបស់មនុស្សមួយចំនួន ដែលបានប្រើពាក្យមិនសមរម្យមកកាន់ ភរិយារបស់កវីជើងចាស់លោកគង់ ប៊ុនឈឿន ផងដែរ។

ជាក់ស្តែងនៅក្នុងគណនីហ្វេសប៊ុករបស់លោក មុត ថារី កូនប្រសារលោកគង្គ ប៊ុនឈឿន បានបង្ហោះសារថា “ករណីចម្រៀងដែលផលិតកម្មមួយបានយកទៅកាឡៃកន្លងមកនោះ ! ក្រសួងវប្បធម៌និងវិចិត្រសិល្បៈ តាមរយៈនាយកដ្ឋានសិទ្ធអ្នកនិពន្ធ និងសិទ្ធប្រហាក់ប្រហែល នឹងចាត់ចែងតាមនិតិវិធី ដើម្បីកោះហៅផលិតកម្ម ដែលបានយកបទចម្រៀងរបស់កវីម្ចាស់ស្ទឹងសង្កែ ទៅកាឡៃមកដោះស្រាយ ។ អ្វីៗនឹងធ្វើតាមច្បាប់នៃការការពារសិទ្ធបញ្ញា ដែលបានចែង។ ព្រោះករណីនេះជាតួនាទីរបស់ក្រសួងវប្បធម៌និងវិចិត្រសិល្បៈ ៕
#TVFB
#TVFB_Online
#TVFB_៩៩វិនាទី

សូមចុចលើពាក្យ Subscribe និង ចុចលើសញ្ញាកណ្តឹង ដើម្បីទទួលបានវីដេអូថ្មីៗប្លែកៗ និងព័ត៌មានថ្មីៗ ពី TVFB យើងខ្ញុំ.....

Please Like and Share and don't forget to click on Subscribe and turn the bell on get more videos....