Ramadan in Germany | Masjid Iftar Preparation Vlog 🌙🇩🇪

Описание: Assalamualaikum everyone! 🌙

Is vlog mein main aapko dikhane wala hoon ke hum Germany mein Ramadan kaise celebrate karte hain. Aaj ka din bohat special tha kyun ke hum ne masjid mein mil kar iftari ka intezam kiya.

Main ghar se nikla, mere Turkish dost ne mujhe bus stop tak drop kiya aur phir main bus le kar Turmstraße pohanch gaya. Yeh Berlin ka kaafi lively area hai jahan Muslim community bhi kaafi zyada rehti hai aur aapko yahan halal shops aur restaurants bhi bohat mil jate hain.

Masjid pohanch kar sab se pehle main ne namaz ada ki aur phir hum sab dost mil kar iftari ki preparation mein lag gaye. Hum ne dastarkhwan lagaya, khajoorain rakhein, cartons se pani ki bottles nikali aur line se pani, fruit chaat aur sharbat rakhte gaye taake jab azaan ho to har kisi ke paas sab kuch ready ho.

Iftar se pehle ka waqt bohat khoobsurat hota hai — sab log duaon mein mashgool thay aur masjid ka mahaul bohat roohani lag raha tha. Azaan hote hi hum sab ne mil kar roza khola aur phir Maghrib ki namaz ada ki. Namaz ke baad khana serve kiya gaya aur sab ne mil kar khana khaya. Uske baad hum ne safai bhi ki aur doston ke saath thoda waqt bhi spend kiya.

Ramadan mein masjid ka yeh community feeling waqai bohat special hota hai. ❤️

Agar aapko yeh vlog pasand aaye to Like 👍, Comment 💬 aur Channel ko Subscribe 🔔 zaroor karein.

Allah Hafiz 🌙

#RamadanInGermany #BerlinVlog #RamadanVlog #MasjidIftari #LifeInGermany