VƏTƏN MƏNSİZ YAŞAR, MƏN VƏTƏNSİZ YOX!

Описание: Поддержать канал и помочь автору стать ближе к мечте - можно материально:
Реквизиты для помощи каналу;
Kapital bank .4169738893071237

"Avrasiya - One - Star" kanalına maddi dəstək olmaq üçün Azərbaycan üçün kart hesabı nömrəsi:
4169738893071237, Kapital bank


Raşbil Şamayevin Azərbaycanın Milli Qəhrəmanı
Albert Aqarunova ithaf etdiyi şeiri!

Musiqi, "AVRASİYA - ONE - STAR" YOTUB KANALINA MƏXSUSDUR!

VƏTƏN MƏNSİZ YAŞAR,
MƏN VƏTƏNSİZ YOX!

Azərbaycanın Milli Qəhrəmanı Albert
Aqarunova ithaf edirəm.

Adın düşdü bu gün bütün dillərə,
Hünərin yayıldı bizim ellərə.
Sən ey vətənimin qəhrəman oğlu,
Qəlbin məhəbbətlə, eşq ilə dolu.
Vətəni qorumaq borcumdur, dedin,
Qolumun qüvvəti, gücümdür, dedin.
Vətən mənsiz yaşar, mən vətənsiz yox,
Onun adı yüksək, mərifəti çox.
Vətən azadlıqdır, vətən çörəkdir,
Vətənsiz bir həyat kimə gərəkdir.
Bu canım vətəndir, suyum vətəndir,
İnsanlar dünyada gəlib-gedəndir.
Mənim ən qiymətli sözüm vətəndir,
Alovlu ürəyim, gözüm vətəndir.
Mən ilham almışam doğma vətəndən,
Meyvəli bağlardan, göy çəmənlərdən,
Göylərə ucalan uca dağlardan,
Ruhu təzələyən saf bulaqlardan.
O mənə güvənir, mən də ki, ona,
Onun arzusunu yetirsəm sona
Deyərəm, dünyada xoşbəxt mənəm, mən,
Ölsəm də adımı yaşadar vətən.
Sən ey vətənimin qəhrəman oğlu,
Qəlbi məhəbbətlə, eşq ilə dolu.
Könüllü yazıldın sən siyahıya,
And içdin vətənə, sən öz canına.
Dedin: "Qarabağı qorumaq üçün,
Keçərəm canımdan lazımsa bir gün!"
Döyüş meydanına girdin mərdana,
Hünərin yayıldı Azərbaycana.
Sən ölməzlər cərgəsinə qanla yazdın adını,
Qucağına aldı vətən öz doğma övladını!

lbert Aqarunov 25 aprel 1969-cu il Bakının Əmircan qəsəbəsində anadan olub. Suraxanı rayonundakı 154 saylı məktəbin səkkizinci sinfini bitirərək peşə məktəbində sürücü-mexanik ixtisasına yiyələnib, 1987-ci ildə isə hərbi xidmətə çağırılıb və xidməti dövründə tank komandiri olub.

Daha sonra Bakıya dönərək Suraxanıda Maşınqayırma zavodunda işləyib. Qarabağ müharibəsi başlayarkən 1992-ci ildə Albert Aqarunov könüllü olaraq cəbhəyə yollanıb. Tank komandiri təyin edilən Albert Aqarunov Şuşa cəbhəsində döyüşüb. O Xankəndi, Daşaltı, Cəmilli istiqamətində gedən döyüşlərdə erməni işğalçılarının xeyli canlı qüvvəsini, zirehli texnikasını məhv edib.

Ermənilərin Şuşaya hücumu vaxtı Albert Aqarunov düşmənin 9 tank, 7 ZTR və bir çox texnikanı məhv edib. Buna görə döyüş yoldaşları tərəfindən "yəhudi buterburodu" adını alıb. Albert Qarabağ müharibəsində əfsanəyə çevirilmişdi. Onun şücaətindən danışmayan yox idi. O dövrdə hərkəs tankını Albert adlandırırdı. Ermənilər onun başına pul mükafatı qoymuşdular.

A.Aqarunov 8 may 1992-ci ildə Şuşa uğrunda gedən döyüşlərdə şəhid olub.

Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Aqarunov Albert Aqarunoviç ölümündən sonra “Azərbaycanın Milli Qəhrəmanı” adına layiq görülüb. Bakıda Şəhidlər xiyabanında dəfn edilib.