අගමැති, මුරුත්තෙට්ටුවේ ආනන්ද නාහිමිගේ සුව දුක් විමසයි

Описание: නාරාහේන්පිට අභයාරාම පුරාණ විහාරස්ථානයේ විහාරාධිපති බස්නාහිර පළාත් ප්‍රධාන සංඝනායක, අති පූජ්‍ය මුරුත්තෙට්ටුවේ ආනන්ද නාහිමියන් බැහැ දැකීමට අද (26) එම විහාරස්ථානයට ගිය අග්‍රාමාත්‍ය මහින්ද රාජපක්ෂ මහතා උන්වහන්සේගේ සුව දුක් විමසා බැලුවේය.
අති පූජ්‍ය මුරුත්තෙට්ටුවේ ආනන්ද නාහිමියන්ගේ 78වැනි ඡන්ම දිනය අද දිනට යෙදී ඇති අතර ඡන්ම දිනය වෙනුවෙන් සුභාශිංසන එක් කළ අග්‍රාමාත්‍යතුමා උන්වහන්සේට නිදුක් නිරෝගී චිර ජීවනය ප්‍රාර්ථනා කළා.
රටේ දේශපාලන, සමාජීය හා ආර්ථික ක්‍රියාපිළිවෙතට අදාළ ධර්මානුකූල පිළිවෙත් පිළිබඳව පූජ්‍ය මුරුත්තෙට්ටුවේ ආනන්ද නාහිමියෝ මෙහිදී අග්‍රාමාත්‍යතුමාට අනුශාසනා කළා.
උන්වහන්සේගේ ඡන්ම දිනයට සමඟාමීව නාරාහේන්පිට අභයාරාම පුරාණ විහාරස්ථානයේ පැවති ලේ දන්දීමේ උත්සවය සඳහා පැමිණ සිටි වෛද්‍යවරුන්, සෞඛ්‍ය කාර්යය මණ්ඩලය හා පිරිස සමඟ ද අග්‍රාමාත්‍යතුමා සුහඳ කතා බහක ද නිරත වුණා..