غربة علي || علاء التميمي || ليالي استشهاد الزهراء عليها السلام حسينية موكب جروح الغائب

Описание: اخ ياروحي شبجيتي
اخ ياكلبي شوراك
هاك حمل ضيم هاك
الليلة راحت فاطمة واتغربت اطهر عيون
الليلة حيدر هوه والبير وغربته
اعله النعي يتناوبون
اخ من اتاني ناس المايجون
اخ من تعيش والدنية شماته
علي .. ومجروحة حياته
كون اصرخ على اصوابة
لحد كطع اوتار صوتي
كون هاي الليلة موتي

علي ومتبلل اردانه ..
وماكو چارة لصب دمعته
شلون راح يكابل اطفاله بغربته
شلون يحجي وهوه يذبح حتى صمته
تنوح وياه حتى حيطانه بحجرته
يبجي تبجي اعيون زينب
يسكت تكتله حسرته
اخ ياكلبة وحسرته
ندري بالعنده مصيبة الناس تلتم وتصبرة
شلون بالفاكد الزهره
ياهو شايف واحد يطيح بمصيبة
الناس بي يتشمتون
وندري باليحترك داره
تفزع الجيران كلهه اتطفي ناره
مو علي يتحزمون
علي جا شيصير كلبة
منين مايلتفت غربة
زين منه وباقي يمشي
وعينه جاي تشوف دربة
والله صعبة
الضامهه بكلبة امانة .. شوصل البسمار الهه
شلون شده العلي مايكدر يحلهه
والعيون الفاكده الزهره بعد بالشوف شلهه
حامي جار .. اتشمتت جيرانه كلهه
والمصيبة ايتام عنده
الحسن وحسين واذية اتجيب اذية
ومن دره بكسرة ضلعهه
حسين حس بالغاضرية
حسين كابل حيدر بهاي المسية
شراح بويه يصير بيه
امي ماشبعان منهه وانه
متعود عليهه اتكود ادية
شراح بوية يصير بيه
بابنه امن احترك بوية .. ناره شو صاحت عليه
وزاد دخان الرزية
عيني عن زينب غفيت وماشلتهه
واتحلمت واحد يكلي اختك سبية
شراح بويه يصير بيه
والله صدري يروح فدوه لخاطر اختي
بويه احجي لخاطري وارحم دمعتي
لا يحركون المخيم واني انطيهم رگبتي
والله كلشي يروح فدوه
وما اسمع جلمة غريبة
اخ بويه شهالمصيبة
انه راح انذبح عطشان بغربتي
انه باجر تنسحك بالخيل جثتي
انه راح اترك اطفالي بنارهم وانه بحرگتي
والايتام السانهم مايحجي شي
بس وين ابوي ووين عمتي
ذني كلهن فدوه بس لا تطلع اختي

راح اعيش اجروح تتمشه وراية
انه من بعد امي ضامي
والزمن مايروي ماية
اني راح اكضي العمر مذبوح واسنيني سباية
وبصلاتي امن اركع اتخيل كسرتي اعله النهر
راح اخلصهه غريب ودوم مكسور الضهر


حيدر شايع

اعلام موكب جروح الغائب
القناة الرسمية لـــموكب جروح الغائب

:: يوتيـــــوب ::
   / @موكبجروحالغائب  
:: فيسبوك ::

  / alhussin152  



:: تليكرام ::
https://t.me/asaad1994aa