PAGBATI 2024 Ibaan, Batangas

Описание: 𝐋𝐢𝐧𝐠𝐠𝐨 𝐧𝐠 𝐏𝐚𝐠𝐤𝐚𝐛𝐮𝐡𝐚𝐲: 𝐒𝐚𝐲𝐚𝐰 𝐧𝐠 𝐏𝐚𝐠𝐛𝐚𝐭𝐢 o 𝘉𝘢𝘵𝘪 𝘥𝘦 𝘉𝘢𝘯𝘥𝘦𝘳𝘢.
Isang sayaw na likas na kaugalian sa bayan ng 𝐈𝐛𝐚𝐚𝐧 sa lalawigan ng Batangas, kung Pasko ng Pagkabuhay, Ito ay sinasayaw sa patiya ng simbahan pagkatapos ng "Dagit".
Dalawa ang kahulugan ng salitang 𝘽𝙖𝙩𝙞. Ang isa ay binibigkas nang mabilis at ang kahulugan nito ay wumawagayway o kaya'y pagbabati o mabilis na pagpapaikot ng kamay. Ang isa ay binibigkas nang impit sa lalamunan - 𝘽𝙖𝙩𝙞, (mariing malumay) na ang kahulugan ay pagbibigay galang o magiliw na pagtanggap.
Ang 𝘽𝙖𝙩𝙞 ay isang pangrelihiyong sayaw na ang gumaganap ay ang kapitana na naka-bestida ng puti, naka-sumbrero at taglay ang puting bandera na may nakala-rawan sa gitna nito na isang dahon ng oliba, o isang lumpon ng ubas; maaari rin na mailarawan dito ang isang uhay ng trigo o kaya ay isang "Easter Lily". Ang gilid ng bandera ay may malasutlang borlas (fringe).
Ang iskwadron ay dalawang binata(Kapitan at Bise-Kapitan) na ang kasuutan nila ay ayon sa pinagkasunduan. Sapagkat pormal ang okasyon kaya maaaring naka-tsaketilya, ternong puti o barong Tagalog at puti o itim na pantalon.
Ang- unang bahagi ng sayaw ay martsa na kasama ang iskwadron. Ang susunod na bahagi ay solong sayaw ng kapitana sa tiyempo ng polka o paso doble sa masalimuot na pamaraang mapanghalina. Habang bumabati ay sinisikap na huwag mamulupot ang bandera sa tagdan. Kailangang laging nakawagayway sa simoy ng hangin at kung hindi ay nagbababala ng di-magandang pamahiin, pagkagutom o salot. Ang pagbati ang katapusang gawain na ginaganapan ng Kapitana. Matapos na makabati sa patiyo ng simbahan ay tumatapat sa mga bahay-bahay na nag-anyaya sa kanila ng pagbati, Kasama nila ang banda ng musika sa paglibot na ito. Pinagkakalooban sila o ang Kapitana ng donasyon o pera bilang papasko. Marami pang ibang mga pamahiin tungkol dito. Ang say aw na ito ay kilala rin sa taguring Bati de Bandera" , na humihiling sa Poong Maykapal ng kapayapaan o masaganang ani.
Ang 𝘽𝙖𝙩𝙞 ay hango sa isang biblikong talata sa Matandang Tipang, Ayon sa kasaysayan, si Haring David ay sumasayaw samantalang ang Arko ng Kasunduan (Ark of Covenant) ay dinadala sa Herusalem na galing sa bahay ni Obedenon. Ito ay isang handog sa kapayapaan at pasasalamat.
𝘚𝘰𝘶𝘳𝘤𝘦: 𝘔𝘢𝘪𝘬𝘭𝘪𝘯𝘨 𝘒𝘢𝘴𝘢𝘺𝘴𝘢𝘺𝘢𝘯 𝘯𝘨 𝘓𝘶𝘯𝘨𝘴𝘰𝘥 𝘢𝘵 𝘓𝘢𝘭𝘢𝘸𝘪𝘨𝘢𝘯 𝘯𝘨 𝘉𝘢𝘵𝘢𝘯𝘨𝘢𝘴 𝘯𝘢 𝘴𝘪𝘯𝘶𝘭𝘢𝘵 𝘯𝘪 𝘈𝘶𝘳𝘦𝘢 𝘎. 𝘐𝘭𝘶𝘴𝘵𝘳𝘦
Kapitana: Bb. Ysabela Cazandra Caringal Hernandez
Kapitan: G. Juan Miguel Papio Arias
Bise Kapitan: G. Oswald Bryan Caringal Mendoza
Tagapagsanay: G. Sheldon Ilustre Guino

Music Pieces: Carrolton March, Blaze Away, Enchanted, Billboard March Independentia March

Write up from Kier Vincent Real fb page