დღეს, 3 აპრილს,

Описание: ირაკლი ალასანია და მინდია ჯანელიძე დღეს სტუმრად "პირველ სტუდიაში"!
დროში გაწელილი ურთიერთბრალდებების სერიის კულმინაცია – თავდაცვის ყოფილი მინისტრის სპეციალური ბრიფინგი და საქმე, რომელიც "თავისუფალი დემოკრატების" კოალიციიდან წასვლის მიზეზი გახდა. მემორანდუმზე ხელმოწერა და თავდაცვის 5 მაღალჩინოსნის დაკავება თბილისში - შემთხვევითობა თუ გამიზნული ანგარიშსწორება.
რა დოკუმენტზე მოაწერა ხელი ირაკლი ალასანიამ? შეფერხდა თუ არა ქართულ-ფრანგული შეთანხმების რეალიზება და შეიცვალა თუ არა სტრატეგიულად მნიშვნელოვანი გადაწყვეტილება ხელმოწერამდე 24 საათით ადრე; რატომ დაურეკა და რას სთხოვდა მინდია ჯანელიძე თავდაცვის ყოფილ მინისტრს.
რა დაკარგა და რას იძენდა ქვეყანა მემორანდუმის პირობებში და შეიქმნება თუ არა ამ საქმის შემსწავლელი კომისია პარლამენტში.
საქმის გაუხმაურებელი დეტალები და პასუხი ყველა კითხვაზე - ირაკლი ალასანია და მინდია ჯანელიძე დღეს სტუმრად "პირველ სტუდიაში"!
კვირის ყველა მთავარი და მნიშვნელოვანი თემა: გამოცხადებული ტერორი – ხელისუფლების ყველაზე დიდი გამოწვევა, არეულობის მოწყობის მცდელობა თუ სამართლიანობის აღდგენის დაგვიანებული პროცესი; პრეზიდენტის გამოსვლა პარლამენტში.
ძირითადი აქცენტები და შეფასებები – პრეზიდენტის ადმინისტრაციის უფროსი დავით პატარაია; საპარლამენტო უმრავლესობა და უმცირესობა – დისკუსია და ანალიზი.
სტუმრები: ირაკლი ალასანია – თავდაცვის ყოფილი მინისტრი; მინდია ჯანელიძე – თავდაცვის მინისტრი; დავით პატარაია – პრეზიდენტის ადმინისტრაციის უფროსი.