शेततळ्याच्या पाण्यावर फुलविला काकडीचा मळा ; उन्हाळी हंगामात कमी कालावधीचं काकडी पिक ठरतंय फायदेशीर

Описание: मध्यम हलकी जमीन पाण्याची तीव्र टंचाई अशा परिस्थितीत पेण तालुक्यातील ठाकूरबेडी या दुर्गम गावातील नागेश ठाकूर यांनी जेएसडब्लू फाउंडेशन व वनराई संस्था यांच्या सहकार्यांतून काकडी पिकपध्दतीचा अवलंब करून त्याचे तंत्रज्ञान आत्मसात केले. त्यांनी शेततळ्याच्या पाण्यातून काकडीचा मळा फुलविला आहे. उन्हाळी हंगामात कमी कालावधीचं काकडी पिक हे फायदेशीर ठरत आहे.
काकडी हे उष्ण व कोरडे वाढणारे पीक असून, पाण्याचा उत्तम निचरा होणारी मध्यम ते भारी जमीन या पिकासाठी उपयुक्त आहे. खरीप तसेच उन्हाळी हंगामात काकडी पीक फायदेशीर आहे. खरीप हंगामात काकडीची लागवड जून, जुलै महिन्यात तसेच उन्हाळी हंगामामध्ये जानेवारी महिन्यापासून करतात. उन्हाळी हंगामासा…