مغنّ الفخر | 2026 | ماجد خضير | حمد هذال الجش

Описание: العريس النقيب خالد مساعد بن ضويحي الجش


الشاعر حمد هذال الجش

المنشد ماجد خضير





تمادى ظلام الليل و الدالهين رقود
وانا ادير فكري بين هذي و هاذيه

على جال ضوٍ زادها من شليخ العود
الحق وقايدها على الجمره الحيه

رزيم الفرايد في ضميري رزيم رعود
تداحم على عدٍ من الجزل مطويه

ماجبت القصيد اللي على كاتبه مردود
لا جابه من يشوف ان الابداع قافيه

بلغت المراد و كان راحت قديح زنود
اعنّ القريحه مثل عنّ الصويتيه

قصير الشبوح يموت مايبلغ المقصود
و قوي العزوم ايطوع الصعب جبريه

ترى اهل النفوس الدانية لو تحوق الزود
ماضاهت غناة اهل النفوس الغناويه

من يعز نفسه يارد المارد القرهود
عذي المشارب ما يحالي ل كدريه

و الامجاد ماتوخذ هواين سهود مهود
دروب العلا ماهيب راحه و ماويه

لو ان الثناء هين ضوا به خدين الخود
لكن الثناء قسم الزحول العصاميه

يبا الصامل الزيزوم شروا سليل الجود
حزامً ذخرته للزمان و بلاويه

ابن عمن مجمل و حرن يجيب الفود
سلامي على خالد اليا حل طاريه

مقامك يا اخو فواز والله ماعنه صدود
لو ان الضروف احيان ماهي بعاديه

على المحفل الي كنه العيلم المورود
تراحيبكم حيه و نيرانكم حيه

جذب طيبك اللي يبذل المال والمجهود
حزام الظفر من حظ ربعه و عانيه

وريث الكرم والطيب راع النبا المحمود
مـسـاعــد ضواحي و المكارم وراثيه

ذخاير بني عمي فهودن عيال فهود
لهم في سنام المجد مبدا و احقيه

عذاب المعادي نجدة الضايق المضهود
زحول الجشوش اهل الفعول الكباريه

مغن الفخر والعز واهل النقا المشهود
و مواقيفنا دون الرفاقه بطوليه

دجرنا زمان الخوف في خنة البارود
لا قامت تقادح والعزاوي صعيبيه

مداغيش عبدله حماة الدير و القود
بهيباتنا ترعى الشناح العبادية

فرضنا مكانتنا بوقت الليال السود
من اقصى الحجاز اليا حدود الصباحيه

هل المعجزات مطير يوم الامن مفقود
ورثنا مفاخرنا مواريث جديه

وعقب عم الامن ورسّمو دارنا بحدود
ولاها الامام اللي وطى الداب و الحيه

تحت راية التوحيد و بحكمة ال سعود
عسى الله يديم ملوكنا للعروبيه