Qızına verdiyi 7 sual ilə dəyişdi

Описание: Bir neçə gün əvvəl bir tanışımla – Aysel ilə görüşdük. Qızı da parkda oynayırdı. Söhbət əsnasında dedi ki, bir müddət əvvəl övladına 7 sual verib və aldığı cavablar onu dərindən silkələyib silkələyib və mənimlə bölüşdü dialoqlarını:
Qızıma soruşdum ki: “Mən yanında olanda özünü təhlükəsiz hiss edirsən?”
Dedi: Hə… amma əsəbiləşməsən. O an başa düşdüm ki, mənim yorğunluğum onun qorxusuna çevrilib.

Sonra soruşdum: “Səni üzdüyüm zaman nə edirəm?”
Cavab verdi: ‘Heç nə olmaz’ deyirsən, amma mənim üçün daha da pis olur.
Mən düşünürdüm, cümləni deyəndə sakitləşdirirəm… əslində hisslərini dəyərsizləşdirirəmmiş.

Soruşdum: “Mən əsəbiləşəndə nə hiss edirsən?”.
Dedi: Sanki mənimlə olmaq istəmirsən. Bu, məni çox sarsıtdı. Çünki mən sadəcə əsəbiləşirəm, o isə elə bilir ki, ondan imtina edirəm.

4-cü sualım o idiki “Heç olub ki, mənim necə reaksiya verəcəyimdən qorxub, mənə bir şey danışmayasan?”
Başını tərpətdi… və susdu. Bu, ən ağır cavab idi mənim üçün…

Sonra soruşdum ki, “Birlikdə olanda ən çox nəyi sevirsən?”
Heç nə demədiyin və sadəcə yanımda oturduğun anları dedi.

“Mənim yanımda özün ola bilirsən, yoxsa ‘yaxşı qız’ olmağa çalışırsan?” soruşdum, oda dediki
Bəzən çalışıram… ki, sən əsəbləşməyəsən. Deməli, artıq uyğunlaşmağa, yaxşı qız olmağa məcbur qalıb, mən isə bunun heç fərqində deyiləm.

Sonda “Məndən nəyi fərqli etməyimi istəyərdin?”
Mən sənə bir şey danışanda gözümə baxmağını istəyərdim, telefona yox…deyəndə içdən çox utandım…və o gündən sonrasıda onsuzda eyni olmadı:
Düzdü İdeal ana olmadım. Amma dinləməyi, dayanmağı, hissləri görməyi öyrəndim. Və ən əsası – həqiqəti eşitməkdən qorxmamağı öyrəndim.

Zümrüd Əsədova
+994702947788

#zümrüdəsədova #zumrudasadova #psixoloq #kouç