دارالعلوم حنفیہ غوثیہ کا(رجسٹرڈ) مختصر تعارف

Описание: دارالعلوم حنفیہ غوثیہ (ٹرسٹ رجسٹرڈ)
كا تعارف
ایک نظر میں !
دار العلوم، مدارس اور دینی جامعات ہمیشہ اسلام کے قلعہ کا کردار ادا کرتے آئے ہیں، جس قدر دینی علوم فنون پر دینی مدارس کے طلبہ کو دسترس حاصل ہوتی ہے اس طرح یونیورسٹیز کے طلبہ کو عموما نہیں ہو پاتی، دینی مدارس میں عموماً جدید علوم کی ضرورت زیادہ محسوس کی جاتی ہے، خصوصاً کمپیوٹر ،انگلش اور ریسرچ وغیرہ، اگرچہ یہ جدید علوم ان کا ہدف نہیں ہیں کیونکہ مدارس کے طلبہ کو سائنس دان یا ریاضی دان یا ڈاکٹر بنانے کے غرض سے داخلہ نہیں دیتے بلکہ ہمارا ہدف دینی علوم سے روشناس کرانا ہوتا ہے اور آج بھی تمام اندرونی اور بیرونی چیلنجز اور در پیش مشکلات کے باوجود اللہ تعالی کے نیک بندوں نے مدارس کے نظام کوبرقرار رکھا ہوا ہے، اور اس مقصد کو پانے کیلئے شب وروز کوشش کر رہے ہیں۔
لیکن۔۔۔۔۔۔
بعض مدارس نے دینی تعلیم کے ساتھ ان دنیاوی علوم کے حصول پر بھی توجہ دی ہے، ان میں ایک مثالی مدرسہ جو کہ شہر کراچی کےعلاقے طارق روڈ میں واقع
’’ دار العلوم حنفیہ غوثیہ ‘‘ہے، جس کے مہتمم اعلیٰ محترم علامہ قاری عبد القیوم حفظہ اللہ اور ان کی انتظامیہ نے وقت کے جدید کے تقاضوں کو مد نظر رکھتے ہوئے کئی سال پہلے ایک شاندارائیرکنڈیشنڈ ہال تیار کرایا جس میں اعلی کوالٹی کا پروجیکٹر بھی لگوایا تاکہ طلبہArabic Speaking language عربک اسپیکنگ لینگویج اور English Language انگلش لینگویج کی کلاسز جدید آلات کی مدد سے سیکھ سکیں، ایک اور ہال میں ایک شاندار لیب تیار کرائی جس میں طلبہ کمپوٹر سائنس ماہرین کی نگرانی میں سیکھایا جاتا ہے۔تمام طلبہ کو مدارس کے وسائل سے ریگولر میٹرک کا امتحان دلایا جاتا ہے اور پھر انٹر اور بیچلر(B.A )بھی کرایا جاتا ہے۔
دورہ حدیث کے طلبہ کو ہفتہ اور اتوار کے دن میں جدید اصولوں پر مبنی ریسرچ سیکھاتا ہوں، صرف قواعد وضوابط نہیں بلکہ پریکٹیکل طور پر، پروجیکٹر پر کلاسز کے ساتھ ساتھ پورا سال ہمارا کمپیوٹر میں گزرتا ہے، ہمارے طلبہ شہادۃ العالمیہ کے امتحان 90 فیصد کے لگ بھگ مارکس حاصل کرتے ہیں، سال کے بعد ریسرچ کا معیار اتنا بلند ہو چکا ہوتا ہے کہ ان کے تحقیقی مقالہ جات ایم، فل اور پی ایچ ڈی لیول سے کبھی کم نہیں ہوتے، بلکہ اس ریسرچ کورس میں امامت اور خطابت اور مضمون نویسی میں بھی بہت اعلی معیار کی ٹریننگ دی جاتی ہے۔
پاکستان کے مایہ ناز محقق عالم دین پروفیسر ڈاکٹر نور احمد شاہتاز مد ظلہ العالی اپنا نہایت قیمتی وقت نکال کر طلبہ کو دورہ حدیث پڑھاتے ہیں۔
میں تمام مدارس کے ذمہ داران سے یہ درخواست کرتا ہوں کہ وہ دار العلوم حنفیہ غوثیہ کے نظامِ تعلیم کو اپنانے کی کوشش کریں تاکہ
ہمارے دینی مدارس کے طلبہ عصر حاضر کے چیلنچز کا مقابلہ کر سکیں، اس کے ساتھ ساتھ میں دعویٰ سے یہ کہتا ہوں کہ پاکستان بھر میں حفظ و ناظرہ ، تجوید اور قرأت سبعہ کا یہ سب سے بہترین مدرسہ ہے۔ یہاں سے سہ ماہی مجلہ ’’ فکرِ غوثیہ‘‘ عرصہ دراز سے شائع ہو رہا ہے جس میں علمی اور فکر ی موضوعات اس مجلہ کا حصہ ہوتے ہیں۔ لہٰذا طلبہ سے بھی درخواست کروں گا کہ وہ دورہ اور درسِ نظامی، حفظ وتجوید اور دورہ حدیث کیلئے اس طرح کے اعلیٰ علمی اداروں سے انتساب کی کوشش کریں۔ شکریہ
ڈاکٹر محمد مہربان باروی
مدرس: دار العلوم حنفیہ غوثیہ، طارق روڈ کراچی