Qaçqınlıq vaxtı Gürcüstandakı azərbaycanlılar bizə qapılarını açdı | QƏRBİ AZƏRBAYCAN XRONİKASI

Описание: Qaçqınlıq vaxtı Gürcüstandakı azərbaycanlılar bizə qapılarını açdı | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində “Həyat Hekayəsi” verilişinin növbəti buraxılışı hazırlanıb.
“Ləmbəlidən gətirilən torpağı hələ də evimdə saxlamışam” adlı buraxılış Loru mahalının Barana rayonunun Ləmbəli kənd sakini Ceyran Ənsərin həyat hekayəsinə həsr olunub.
C.Ənsər deportasiya və qaçqınlıq həyatından danışıb: “Kəndimizin camaatı beş dəfə deportasiyaya uğrayıb. 1988-ci il noyabrın 25-də qəsəbə statuslu kəndimizdə azərbaycanlılar və ermənilər mitinq edirdilər. Ermənilər bizə dedilər ki, daha sizi burada saxlaya bilməyəcəyik. Kəndə rus əsgərləri töküldü. Onlar erməniləri müdafiə edirdilər. Bizə dedilər ki, daha sizi qoruya bilmirik. Siz ən yaxşı halda çıxıb getməlisiniz. Kənddə o vaxt yığılıb and içmişdilər, Bakıdan ziyalılar da gəlmişdilər ki, biz bu kəndi tərk etməyəcəyik. Çünki bizim kənd bir yandan Qazaxla, bir yandan Gürcüstanla həmsərhəd idi. Sonra gördük ki, mümkün deyil, hamı köçüb gedirdi. Həmin dövrdə ermənilər avtomatla insanları öldürmək üçün gəlib bir-bir evləri gəzirdilər, maşınları gülləbaran edirdilər. Nəhayət, bizi Gürcüstana apardılar, bir il orada qaldıq və sonra Bakıdan ev aldıq”.
Vətən həsrətinin ağrılı dərd olduğunu bildirən Ləmbəli sakini söyləyib:
“Vətənsizlikdən acı, ağladıcı dərd yoxdur. Vətən olmayan yerdə səadət yoxdur. Məni doğulduğum torpaq çəkir. Keçən il kəndimizdən gətirilən torpaqdan saxlamışam. Ən gözəl xatirələrim, ən xoşbəxt anlarım, özümü biləndən yaşadığım ən xoş günlərim məhz o kəndlə bağlıdır. Eyvanımıza çıxıb bir dəfə baxsam və dərindən bir nəfəs alsam, bəlkə də, ömrüm bir neçə il uzanar. “Həyat Hekayəm”in əsasında xoşbəxt uşaqlığım, gəncliyim, əziyyət dolu qaçqınlıq və mübarizə dolu həyatım var. O torpaqlar bizimdir, Ermənistana verilib. Doğma yerlərə qayıtmağı, orada yaşayıb ölməyi çox istəyirəm”.

Bizi WhatsApp-da izləyin https://whatsapp.com/channel/0029VaAm...

Arzunun vaxtı ↵
   • ARZUNUN VAXTI  

Qapqara ↵
   • QAPQARA  

Aydın tarix ↵
   • AYDIN TARİX  

   • Baku TV azad edilən Aqşin və Hüseynin həyə...  
   • Əsir hərbçilərimiz Ermənistandan Azərbayca...  
   • Azad edilən Aqşinin ailəsinə qovuşma görün...  

Qaçqınlıq vaxtı Gürcüstandakı azərbaycanlılar bizə qapılarını açdı | QƏRBİ AZƏRBAYCAN XRONİKASI

https://t.me/bakutvxeber
  / baku.tv  
  / bakutvofficial  
https://www.baku.tv

2023 © All Rights Reserved ℗ "Baku TV" LLC ™



#QərbiAzərbaycanXronikası #Gürcüstan #Qaçqın #ləmbəli #torpaq #bakutv #azerbaycan #trend #sonxeber #xeber #haber #news #sondakika #новости #bakutvxeber #bakutvxəbərlər