Khit Thit Afternoon News | February 23, 2026

Описание: Khit Thit သတင်းဌာန၏ ဖေဖော်ဝါရီ ၂၃ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၂၃ ရက် ရက် နေ့လယ်ပိုင်း တင်ဆက်ပေးမယ့် သတင်းတွေကတော့

ကြံ့ဖွတ်ပါတီက ရွေးကောက်ပွဲ အများစု အနိုင်ရရှိထား ပေမယ့်လည်း အစိုးရသစ်မှာ အခြားနိုင်ငံရေး ပါတီတွေနှင့် တိုင်းရင်းသားတွေပါဝင်တဲ့ အမျိုးသားညီညွတ်ရေးအစိုးရအဖြစ် ကျယ်ကျယ်ပြန့်ပြန့်ဖွဲ့စည်းဖို့ ဆွေးနွေးမှုတွေရှိနေတယ်လို့ နေပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်ကိုပြောပါတယ်။

-မန္တလေးတိုင်း၊ ငါးဇွန်မြို့နယ်၊ ဆုံရွာကနေ ဆီမီးခုံမြို့ဘက်ကို လာတဲ့ အကြမ်းဖက် စစ်တပ် ရိက္ခာယာဉ်တန်း ကို ကြားဖြတ် တိုက်ခိုက်ခဲ့တာကြောင့် စစ်သား ၁၀ ယောက်သေဆုံးပြီး သေနတ် ၃ လက် သိမ်းဆည်းရရှိခဲ့ တယ်လို့ People's Defense Force - Mandalay ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။

-စစ်အာဏာသိမ်းထားတဲ့ မြန်မာနိုင်ငံက ကမ္ဘာပေါ်မှာ မြေမြှုပ်မိုင်းကြောင့် ထိခိုက်သေဆုံးမှု အများဆုံးနိုင်ငံ ဖြစ်လာတယ်လို့ ကမ္ဘာ့မြေမြှုပ်မိုင်း စောင့်ကြည့်ရေးအဖွဲ့ Landmine and Cluster Munition Monitor ရဲ့ နောက်ဆုံးထုတ်ပြန်တဲ့ အစီရင်ခံစာအရ သိရပါတယ်။

မက္ကဆီကိုရဲ့ သြဇာအရှိဆုံး မူးယစ်ဂိုဏ်းခေါင်းဆောင် ‘El Mencho’ သေဆုံးသွားတဲ့အတွက် နိုင်ငံအတွင်း ပြင်းထန်တဲ့ အကြမ်းဖက်မှုတွေ လှိုင်းလုံးတစ်ခုလို ဖြစ်ပေါ်နေတဲ့ သတင်းအပါအဝင် နေ့လယ်ခင်း သတင်းတွေ ကို တင်ဆက်ပေးပါမယ်။