အသံတိတ်သပိတ် အရေးကြီးလို့ အားလုံးပါဝင်ကြဖို့ NUG ဝန်ကြီးချုပ် တိုက်တွန်း၊

Описание: အာဏာသိမ်း စစ်အုပ်စုက လုပ်မယ့် ရွေးကောက်ပွဲကို ဆန့်ကျင်ကြောင်း ပြသတဲ့အနေနဲ့ မနက်ဖန် ဒီဇင်ဘာ ၁၀ရက်မှာ ပြုလုပ်မယ့် အပြင်မထွက် အသံတိတ်သပိတ် (Silent Strike)ဟာ အရေးကြီးတာကြောင့် အားလုံး ပူးပေါင်းပါဝင်ပေးကြဖို့ အမျိုးသား ညီညွတ်ရေးအစိုးရ (NUG) ပြည်ထောင်စု ဝန်ကြီးချုပ် မန်းဝင်းခိုင်သန်းက တိုက်တွန်းပါတယ်။

မနက်ဖန် ဒီဇင်ဘာ ၁၀ရက်မှာ ကျရောက်တဲ့ အပြည်ပြည်ဆိုင်ရာ လူ့အခွင့်အရေးနေ့မှာ မြန်မာပြည်သူတွေ ဆုံးရှုံးနေတဲ့ လူ့အခွင့်အရေး အပြည့်အဝ ရရှိဖို့နဲ့ အာဏာသိမ်း စစ်အုပ်စုက လုပ်မယ့် ရွေးကောက်ပွဲကို ဆန့်ကျင်ကြောင်း ပြသတဲ့အနေနဲ့ နိုင်ငံတဝန်း အသံတိတ်သပိတ် ပြုလုပ်ကြဖို့ အထွေထွေသပိတ် ပေါင်းစပ်ညှိနှိုင်းရေးအင်အားစု (General Strike Coordination Body - GSCB) က တိုက်တွန်းဆော်ဩထားတာ ဖြစ်ပါတယ်။

“စစ်အုပ်စုဟာ လာမယ့် ဒီဇင်ဘာ (၁၀) ရက်နေ့မှာ အသံတိတ်သပိတ်တွင် ပူးပေါင်းပါဝင်ရန်အတွက် ပိတ်ထားမည့် စျေးဆိုင်များ၊ စားသောက်ဆိုင်များ ၊ အလုပ်ရုံစက်ရုံများ၊ ကုမ္ပဏီများကို ဖော်ထုတ် အရေးယူရန်နှင့် ချိတ်ပိတ်ရန်ဖိအားပေးလျက် ရှိသည်။ ပြည်သူလူထုရဲ့ လုံခြုံရေးဟာ အရေးကြီးဆုံး ဖြစ်တာမို့ ဒီလို အကြပ်ကိုင် ဖိအားပေးမှုတွေအောက်မှာ ဈေးဆိုင်တွေကို ဖွင့်လှစ်ရတာကို နားလည် စာနာပါကြောင်းနှင့် ဈေးဆိုင်များကို မပိတ်ဘဲ ဖွင့်လှစ်ကာ အသံတိတ်သပိတ်ကို ဆင်နွှဲကြဖို့ တိုက်တွန်းလိုပါသည်။ ဆိုင်တံခါးတွေသာ ပွင့်နေပါစေ၊ လူတွေကတော့ ဆိုင်ထဲ၊ အိမ်ထဲမှာပဲ နေပေးကြဖို့ မေတ္တာရပ်ခံလိုပါတယ်။ လမ်းမတွေပေါ် မထွက်ကြဖို့၊ အပြင်မသွားကြဖို့နဲ့ တိတ်ဆိတ်ခြင်းဖြင့် သက်သေပြကြဖို့ လိုအပ်ပါတယ်။ စစ်အုပ်စုက ပုံဖော်ချင်နေတဲ့ "ပုံမှန်လည်ပတ်နေပါတယ်" ဆိုတဲ့ အခြေအနေ မဟုတ်ကြောင်းကို လူမရှိတဲ့ လမ်းမတွေ၊ တိတ်ဆိတ်နေတဲ့ မြို့ပြတွေကတဆင့် ကမ္ဘာသိအောင် ချပြရပါမယ်။ ဒါကြောင့် ဒီဇင်ဘာ ၁၀ ရက်၊ မနက် ၁၀ နာရီ ကနေ ညနေ ၃ နာရီ အတွင်းမှာ ဆိုင်ခန်းတွေထဲ၊ အိမ်တွေထဲမှာပဲ နေထိုင်ပြီး "အသံတိတ်သပိတ်" ကို ပုံစံတစ်မျိုးနဲ့ ဆင်နွှဲကြပါစို့” လို့ GSCB က တိုက်တွန်းပါတယ်။

အာဏာသိမ်း စစ်အုပ်စုဟာ အသံတိတ်သပိတ် အပါအဝင် သူတို့ကို ဆန့်ကျင်တဲ့ သပိတ်လှုပ်ရှားမှုတွေမှာ ပါဝင်သူတွေကို ဖမ်းဆီးတာ၊ ရန်ပြုသတ်ဖြတ်တာ၊ စျေးဆိုင်နဲ့နေအိမ် စတဲ့ ပိုင်ဆိုင်မှု ချိတ်ပိတ်တာမျိုးတွေ ကျူးလွန်နေတာ ဖြစ်ပြီး မနက်ဖန် အသံတိတ်သပိတ်မှာ ပါဝင်သူတွေကိုလည်း ရန်ပြုဖမ်းဆီးမယ်လို့ ကြုံးဝါးထားပါတယ်။

MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ ဝက်ဘ်ဆိုက်မှာလည်း ကြည့်နိုင်ပါတယ်။
#Mandalay_Free_Press_MFP
#အညာ #စစ်ကိုင်း #မန္တလေး #မကွေး


(Mandalay Free Press – MFP သည် လွတ်လပ်၍ အမှီအခို ကင်းသော သတင်းဌာနဖြစ်ပြီး မန္တလေးနှင့် စစ်ကိုင်းတိုင်း သတင်းများကို အထူးပြုတင်ဆက်လျှက် ရှိပါသည်။)

Mandalay Free Press – MFP မှ တင်ဆက်သောသတင်းများကို ဖတ်ရှုနိုင်ရန် အောက်ဖော်ပြပါ Channel များကို Follow (သို့မဟုတ်) Subscribe လုပ်ထားနိုင်ပါသည်။

Facebook:   / mandalayfreepress  
YouTube:    / @mandalayfreepressmfp  

#MFP #MandalayFreePress #မန္တလေး #တော်လှန်သော #သပိတ် #မိခင်