Дугаар #1 | Цэгцрэхийн учир

Описание: Өнөөдрөөс эхлэн би та бүхэнтэйгээ “Цэгцрэх хөдөлгөөн” яриагаар тогтмол уулзахаар боллоо. Энэ бол мэдээ унших, тайлан танилцуулах зорилготой контент биш. Харин төрөөс гарч буй шийдвэр бүрийн цаад учир шалтгааныг энгийн, ойлгомжтой хэлээр тайлбарлаж, олон нийтийн асуулт, саналд нээлттэйгээр хариулах яриа юм. 🎙️

Өнөөдөр нийгэмд худал мэдээлэл, хов жив их тархаж, иргэдийг хооронд нь, иргэдийг төртэй нь үл ойлголцуулах оролдлого нэмэгдэж байна. Ийм үед Засгийн газар юу хийж байна вэ, яагаад ийм шийдвэр гаргаж байна вэ гэдгийг хэвлэлийн хурал, албаны үг хэллэгээр бус, иргэн бүрт ойлгогдохоор тайлбарлах шаардлагатай гэж үзлээ.

Хот хөдөөгийн аль ч иргэнд хүрэх, хамгийн хүртээмжтэй хэлбэрийг сонгон энэхүү яриаг эхлүүлж байна. Би тогтмол нээлттэй мэдээлэл өгч, чухал асуудлуудыг та бүхэнтэй хамт хэлэлцэнэ.

Цэгцрэх гэдэг нь хяналт, шахалт биш. Харин хууль хүн бүрт ижил үйлчилдэг, хөдөлмөр үнэлэгддэг, хариуцлага тодорхой тогтолцоог бий болгох тухай ойлголт. Хүн эмх цэгцтэй үйлдэл хийж эхлэхэд бодол нь хүртэл цэгцэрдэг. Улс орон ч мөн адил цэгцтэй тогтолцоонд л хөгждөг гэж би итгэдэг. 🇲🇳

Ил тод байдал хамгийн чухал. Та бүхэнд ярилцмаар, тайлбарлуулахыг хүссэн асуудал байвал коммент хэсэгт эсвэл хувийн зурвасаар бичээрэй. Дараагийн удаад үргэлжлүүлэн ярилцана.

___________________________________________________________________________

Instagram:   / zandanshatar.gombojav  
Facebook:   / zandanshatar.pm  
Apple podcasts: https://podcasts.apple.com/mn/podcast...
Spotify: https://open.spotify.com/show/4F2d3KQ...
Soundcloud:   / welo4jqhwz3gy5tkds  
Amazon Music: https://music.amazon.com/podcasts/747...
Castbox: https://castbox.fm/vh/6975237

#Mongolia #Government #PM #PrimeMinister #Zandanshatar